web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Penal/ Rakipi: Rama po instalon diktaturën

13 Prill 2020, 20:12, Politikë CNA

Gazetari Ylli Rakipi, ka komentuar propozimet për ndryshime në Kodin Penal lidhur me dënimin e personave që shkelin karantinën.

Rakipi e shikon këtë propozim të qeverisë si instalim të diktaturës, pasi pretendon se me këtë ligj mund të ushtrohet një presion shumë i madh te qytetarët.

“Jemi në një krizë dhe në kohë të tilla, kriza të mëdha, bëjnë vend dhe krijojnë hapësira, për të lindur dhe për t?u forcuar diktaturat e mëdha. Të mendosh që të dënosh me 5 deri në 15 vjet burg, një qytetar që del pa leje nga banesa, do të thotë as më shumë dhe as më pak, të instalosh diktaturën, regjimin.  Rama në këto momente po përfiton për ta rritur regjimin.

Shqipëria, duke filluar nga shtatori, shkon drejt një viti elektoral, shkon drejt zgjedhjeve të reja. Një ligj i tillë, duke patur parasysh dhe atë që thotë OBSH dhe ekspertët, se ky virus do të zgjasë,  në një vend si Shqipëria, përfytyro ç?mund të bësh me këtë ligj, çfarë presioni mund të ushtrosh mbi njerëzit, sa mund ta rrisësh frikën tek ky popull. Të kalosh tek masa të tilla, në burgosjen e qytetarëve, është represion i drejtëpërdrejt dhe përpjekje për ta zotëruar plotësisht skenën shqiptare”, tha Rakipi në emisionin “Në fokus”./ CNA.al





Lajmet e fundit nga