E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Berisha mesazh të fortë për qytetarët/ Dënon "papërgjegjshmërinë" e qeverisë ndaj mjekëve

7 Prill 2020, 17:01, Politikë CNA

Në Ditën Botërore të Shëndetit, ish-kryeministri Sali Berisha i ka uruar të gjithë shqiptarëve shëndet të plotë, ndërsa ka kërkuar që të kujdesemi për ata që vuajnë nga sëmundje të ndryshme.

Berisha thotë se kjo ditë kremtohet duke promovuar një problem të rëndësishëm për shëndetin, ndërsa thekson se këtë vit e gjeti mbarë njerëzimin në luftë me pandeminë më të rrezikshme të 100 viteve të fundit.

Ish-lideri i demokratëve i fton qytetarët të bëjnë gjithçka në luftën kundër këtij virusi, si dhe të falenderojnë mjekët, por nuk ka lënë mënjanë denoncimin e asaj që ai e quan papërgjegjshmëri.

“Ju ftoj miq të falenderojmë me mirënjohje të thellë mjekët dhe infermierët tanë për misionin e tyre human, kujdesin që tregojnë për shëndetin tonë. Në veçanti të falenderojmë me mirënjohje të pakufishme të gjithë stafin mjekësor që përballet çdo ditë në spital, apo shërbim ambulator me këtë epidemi.

Së fundi miq, kjo ditë na fton ne të dënojmë me ashpërsinë më të madhe qëndrimin e papërgjegjshëm dhe çnjerëzor të Edvin PPP Maskës dhe Ndrikull Hajni Maskës ndaj personelit shëndetësor me të cilin lanë pa mbrojtje këtë personel përballë Covid-19 ç?ka pati si rezultat sëmundshmërinë e tyre më të lartë në botë dhe i mashtruan pafytyrësisht se do kenë një shpërblim mujor prej 1000 euro dhe me cinizëm u dhanë sot gjithsej 50 euro. Edhe njëherë shëndet të plotë! sb”, shkruan Berisha në rrjetet sociale./ CNA.al