web counter
LEXO PA REKLAMA!

SHKARKO APP

App Store
Google Play

"E lagu s'e lagu, nuk më intereson opozita në Itali"/ Basha tensionohet me Fevziun, thirrje Ramës

6 Prill 2020, 21:21, Politikë CNA

Kryetari i opozitës Lulzim Basha i bëri thirrje kryeministrit Edi Rama  të mos harxhojë asnjë minut kohë për të harxhuar me opozitën, por të bëjë sa më shumë testime.

“Tentativa për të shndërruar në debat politik asaj të cilës nuk i përgjigjesh dot është diçka të cilën unë e kam refuzuar dhe vazhdoj ta refuzoj sepse bëhet fjalë për jetën e shqiptarëve dhe sa kohë që bëhet fjalë për jetë njerëzish kam refuzuar dhe do të refuzoj të bëj debat apo t?u përgjigjem retorikave politike dhe e keni parë që e kam bërë këtë. Unë prapë nuk lodhem t?i them kryeministrit mos të harxhojë më kohë me debat politik as me retorika e as me sulme. Është fare e qartë: Shqipëria ka numrin më të ulët të testimeve, ndër më të ulëtit në Europë. Sapo ju lexova shifrat e Maqedonisë dhe kjo është e pafalshme”, tha ai.

Ndërkohë, moderatori i emisionit “Opinion” Blendi Fevziu e krahasoi sjelljen e opozitës tonë me atë të opozitës italiane dhe të shteteve tjera, ndërsa Basha me tone të larta tha se nuk i intereson sjellja e tyre.

Lideri i PD-së i kërkoi Ramës të shqyrtojë propozimet dhe të mos bëjë sulme.

“Çfarë rëndësie ka e lagu s’e lagu, nuk më intereson fare si ka qenë opozita në Itali. Ne kemi qenë të parët që kemi bërë propozime. Një pjesë e propozimeve janë adoptuar, e vetmja thirrje është që të mos harxhojë duke bërë sulme. Bën një sulm dhe adapton një propozim. Pse duhet t’i adaptojë propozimet me sulme, të mos harxhojë kohë me sulmet”, deklaroi kryedemokrati./ CNA.al





Lajmet e fundit nga