web counter
LEXO PA REKLAMA!

SHKARKO APP

App Store
Google Play

E fundit!

x

"Gjendja në Shkodër është serioze"/ Lleshaj kritikon sërish Voltana Ademin

6 Prill 2020, 19:51, Politikë CNA

Ministri i Brendshëm Sandër Lleshaj deklaroi se aktualisht fokusi i qeverisë është drejtuar drejt Shkodrës për shkak të shtimit të rasteve me koronavirus.

Për këtë gjendje Lleshaj fajësoi sërish kryebashkiaken demokrate në detyrë Voltana Ademin.

“Nëse flasim për Shkodrën, kemi të ashtuquajtura pazare që janë turp t?i shohësh. Ishin si në Kandahar. Këto tregje duhen ndaluar edhe nëse nuk ka koronavirus. Ata tregje nuk duhet të lejohen nga Bashkia Shkodër. Nuk kemi rregulla sic duhet dhe duhet disiplinuar sjellja e qytetarëve. Autoritetet duhet të marrin masa për të mos funksionuar ata tregje, ku shitet peshk e të tjera mallra në rrugë. Kjo nuk mund të lejohet e nuk do lejohet?, tha ai në emisionin “Real Story”.

Lleshaj pretendon se qeveria nuk ka diferencuar asnjë bashki, por kërkoi bashkëpunim. ai tha se Ademi duhet t’i drejtojë qytetarët, pasi theksoi se ata nuk e dinë se ku të orientohen.

?Qytetarët kanë nevojë për orientim. Autoritetet vendore do ta bëjnë detyrën në përputhje me orientimet e marra. Nëse ka raste si të Shkodrës sigurisht që do ndërhyjmë. Vajtja ime ishte për të parë riformatimin e tregjeve a janë në kushtet e duhura dhe fatkeqësisht nuk ishin. Ne i kemi lënë hapësirën dhe kohën që qeveria vendore të bëjë atë që i takon.

Nuk e di se çfarë ka bërë kryetarja e bashkisë Shkodër për frenimin dhe parandalimin e përhapjes së kësaj pandemie, ende nuk e di çfarë ka bërë. Gjendja në Shkodër është serioze sepse kemi pasur një shpërthim jashtë tendencën kombëtare të koronavirusit. E vetmja gjë që na shqetëson për momentin është vendosja e një bashkëpunimi real në funksion të uljes së këtij rreziku. Ne jemi të detyruar nga ligji të ofrojmë mbështetje, ashtu si kryetarja e bashkisë Shkodër që është e detyruar të bashkëpunojë?, deklaroi Lleshaj./ CNA.al





Lajmet e fundit nga