web counter
LEXO PA REKLAMA!

SHKARKO APP

App Store
Google Play

E fundit!

x

Meta dekreton anëtarët e Gjykatës së Lartë

11 Mars 2020, 14:12, Politikë CNA

Presidenti Ilir Meta ka dekretuar emërimin e tre anëtarëve në Gjykatën e Lartë, nga radhët e juristëve.

Presidenca bën të ditur se Meta ka dekretuar emërimin e Sokol Sadushajt, Ervin Pupes dhe Ilir Pandës, si anëtar të Gjykatës së Lartë.

Njoftimi i Presidencës:

Njoftim i Institucionit të Presidentit të Republikës

11 mars 2020

Presidenti i Republikës Sh.T.Z Ilir Meta, pasi shqyrtoi propozimet e Këshilli të Lartë Gjyqësor dhe praktikat dokumentuese të kualifikimit, vlerësimit, pikëzimit dhe renditjes, të administruara në datën 5.03.2020, si dhe:

-Vendimin e Këshillit të Lartë Gjyqësor nr. 110, datë 27.02.2020 ?Për propozimin për emërim në Gjykatën e Lartë, nga radhët e juristëve të spikatur, të kandidatit z.Sokol Sadushaj?;

-Vendimin e Këshillit të Lartë Gjyqësor nr. 111, datë 27.02.2020 ?Për propozimin për emërim në Gjykatën e Lartë, nga radhët e juristëve të spikatur, të kandidatit z.Ervin Pupe?; dhe

-Vendimin e Këshillit të Lartë Gjyqësor nr. 112, datë 27.02.2020 ?Për propozimin për emërim në Gjykatën e Lartë, nga radhët e juristëve të spikatur, të kandidatit z. Ilir Panda?;

Si dhe pasi siguroi një informacion shtesë prej Këshillit të Lartë Gjyqësor mbi këto propozime, sot në datë 11.03.2020, brenda afatit që përcakton neni 136 i Kushtetutës, Presidenti i Republikës ka vendosur;

–       Dekretimin për emërimin si gjyqtar të Gjykatës së Lartë, nga radhët e juristëve të spikatur, të kandidaturave të propozuara të:

-Zotit Sokol Sadushaj;

-Zotit Ervin Pupe;

– Zotit Ilir Panda.

Presidenti i Republikës Sh.T.Z Ilir Meta, vlerësoi pa vonesë këto propozime, duke konsideruar se fillimi nga funksionimi i Gjykatës së Lartë,  është një element kyç për respektimin e të drejtave kushtetuese të qytetarëve për një gjykim të drejtë, nga një gjykatë e caktuar me ligj dhe brenda një afati të arsyeshëm./ CNA.al

 





Lajmet e fundit nga