E fundit!

16:16 Aktualitet

Faktet/ Pse Veliaj e vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

E zbulon Çlirim Peka /Ja ministri i Jashtëm në vend të Ramës

9 Janar 2020, 20:27, Politikë CNA

Çlirim Peka ka zbuluar, sot, në mbrëmje ministrin e ri të Jashtëm të Shqipërisë. Këtë detyrë nuk do ta mbajë më Edi Rama, as nuk do e zëvendësojë Gent Cakaj, por do emërohet një person tjetër, shkruan “Syri”.

Çlirimi është zbulues i madh, parashikues tërmetesh, pasi ka trajnime dhe eksperienca nga Fahri Balliu dhe shumë ish sigurimsa të tjerë. Ai është mik i Presidentit, Lulit dhe vetë demokratit, Kaç Islami, ndaj duhet besuar.

Jo se nuk mund të besohet çka shkruar më poshtë por i gjithë shkrimi nuk ka asnjë burim por vjen vërdallë si ?pordha nëpër brekë?, siç thotë populli, apo si vetë Çimi pas Likes.

Shkrimi i plotë:

Prej pak javësh nëpër qarqe të ndryshme po diskutohet mundësia e largimit të Gent Cakajt si kryediplomat në detyrë.

Fillimisht një lajm u përhap nëpër portale për mundësinë e shkarkimit për shkak të përplasjeve të tij me Edi Ramën.

Këto tensione lexohen edhe këto ditë që Shqipëria ka marrë drejtimin e OSBE. Jo vetëm kaq, por Cakaj praktikisht është pa ndonjë detyrë si ministër. Dosjet e rëndësishme ose po ndiqen nga vetë Edi Rama, ose janë ngrirë për momentin.

Që nga Mini-Shengeni, te negociatat me Greqinë apo edhe te drejtimi i OSBE, Cakaj nuk duket se po ndjek ndonjë proces. E vetmja gjë për të cilën mbahet mend deri tani, ishin disa lëvizje në trupin diplomatik.

Në këto kushte, kur spekulimet janë të shumta, ka raportime se edhe vetë Edi Rama mund të largohet nga drejtimi i Ministrisë së Jashtme.

Madje kanë nisur të qarkullojnë edhe emrat që mund të marrin drejtimin e diplomacisë. Burime jozyrtare thonë se së fundmi është lakuar edhe emri i këshilltarit të Ramës, Endri Fuga, për këtë post.

Asgjë nuk mund të thuhet me saktësi për momentin, duke ditur se Shqipëria ka marrë drejtimin e OSBE dhe kryeministri është angazhuar për të shkuar në Ukrainë, madje edhe për të takuar presidentin rus.

Derisa gjërat të konfirmohen ose jo, qeveria shqiptare e ka provuar edhe në rastin e drejtimit të OSBE se sa shumë i mungon serioziteti shtetit, duke nisur me historinë e misionit të Shqipërisë në Ukrainë.