web counter
LEXO PA REKLAMA!

SHKARKO APP

E fundit!

x

Basha me investitorët italianë/ Tregon planet ekonomike të PD

9 Janar 2020, 18:45, Politikë CNA

Kreu i Partisë Demokratike, Lulzim Basha, ka takuar sot disa drejtues të industrisë, infrastrukturës, dhe logjistikës, në rajonin e Friuli-Venezia-Giulia.

Mësohet se Basha i ka informuar ata për planin ekonomik të opozitës së bashkuar, për të cilin lideri i demokratëve thotë se nis me çlirimin e tregut nga krimi, nga oligarkia dhe korrupsioni si dhe nga burokracia.

Në një postim në rrjetet sociale, kreu i opozitës ka publikuar disa foto nga takimi, ndërkohë që deklaron se përmes politikave ekonomike dhe lehtësirave për të bërë biznes, do ta kthejë Shqipërinë në një vend tërheqës për investimet e huaja, konkurrues me çdo vend tjetër në rajon.

?Zhvillimi ekonomik dhe punësimi, janë prioriteti kryesor i PD. Investimet e huaja janë jetike për rritjen e punësimit dhe zhvillimin e ekonomisë.

Plani ynë ekonomik ka një fokus të rëndësishëm në këtë drejtim. Por, së pari, duhet garantuar konkurrenca e ndershme dhe luftuar korrupsioni që sot i mban investitorët larg vendit tonë?, thekson kryedemokrati./ CNA.al





Lajmet e fundit nga