web counter
LEXO PA REKLAMA!

SHKARKO APP

App Store
Google Play

"Ndodhemi në një situatë kaotike"/ Manja: Pretendimi i Metës, bllokim i pastër i procesit

11 Nëntor 2019, 20:29, Politikë CNA

?Pretendimi i Presidentit për rradhën, bllokim i pastër i procesit?, kështu është shprehur, me fjalë të tjera, kreu i Komisionit të Ligjeve, Ulsi Manja. I ftuar në studion e emisionit ?Real Story?, Manja ka ritheksuar edhe njëherë qëndrimin e mazhorancës se: ?të ndodhur në një situatë kaotike, ku kushtetuesja është boshatisur nga procesi i vettingut, nuk mund të ndiqet rradha.?

Sipas Manjës, nëse do të ndiqej rradha që pretendon Meta, ky do të ishte një bllokim i pastër i procesit, pasi që ndodhemi në kushtet ku nuk kemi një Gjykatë të Lartë funksionale.

?Radha që pretendon Presidenti është e vërtet. Kushtetuta ka përcaktuar radhën e emërimit apo të zgjedhjes së anëtarëve për Gjykatën Kushtetuese, për të mos pasur konflikte.

Por radha ëshët bërë për të përcaktuar kompetencën e shtrirjes së organit, jo kohën se kur duhet të veprojë një organ.

Radha është për një situatë normale të Gjykatës Kushtetuese, jo në një situatë kaotike ku ndodhemi tani. Tani ndodhemi në një situatë ku kushtetuesja është boshatisur nga procesi i vettingut. Radha respektohet vetëm në një situatë normale.

Le të mendojmë për një sekond se Presidenti ka të drejtë. Edhe në qoftë se ndiqet radha sikurse thotë Presidenti, pas Kuvendit radhën nuk e ka ai, e ka Gjykata e Lartë dhe në kushtet ku ndodhemi pa një Gjykatë të Lartë funksionale kjo e fundit nuk do të mund të zgjidhte dot anëtarët, çka do të thotë se ky është një bllokim i pastër.

Kemi dhe absurditetin tjetër, kur afati kushtetues pezullohet me një letër. Afati as nuk mund të pezullohet, as të zgjatet. Kemi të bëjmë me ushtrimin e një afati prekluziv, i cili as nuk mund të kundërshtohet dhe as nuk mund të shtyhet në kohë. Presidenti kishte 30 ditë kohë për të ushtruar të drejtën e tij kushtetuese”, është shprehur Ulsi Manja./CNA.al





Lajmet e fundit nga