E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

"Veliaj ka keqinformuar senatin"/ Kopshti Botanik, reagon Boçi: Grabitje e Demaskuar

7 Tetor 2019, 16:05, Politikë CNA

Ish-deputeti i Partisë Demokratike, Luçiano Boçi ka reaguar pas mbledhjes së jashtzakonshme Asamblesë së Personelit të Akademisë së Shkencave ditën e sotme.

Boçi shprehet se qëndrimi i Asamblesë dëshmon qartë se grabitja e Kopshtit Botanik është bërë në mënyrë të fshehtë, në kundërshtim me çdo ligj të arsimit të lartë.

?Qëndrimi i Asamblesë i shprehur dhe në deklaratë, dëshmon qartë se grabitja e Kopshtit Botanik është bërë hajdutërisht, fshehtas, duke anashkaluar çdo konsulencë, opinion apo mendim të anëtarëve të Asamblesë dhe të strukturave drejtuese të FSHN-së dhe të UT-së.?, shprehet ish-deputeti.

Kujtojmë se Asambleja akuzoi kryetarin e bashkisë, Erion Veliaj, se ka keqinformuar anëtarët e Senatit Akademik për vendimin e Këshillit të Ministrave për Kopshtin Botanik.

Ndërkohë në mbledhjen e sotme në Universitetin e Tiranës vendosi të ndjekë nga afër çdo hap të procesit gjyqsor në Gjykatën Administrative të Apelit. Ndërsa anëtarët e saj apelojnë për një vendim në favor të shpëtimit të Kopshtit Botanik.

Postimi i plotë i Luçiano Boçit:

GRABITJA E DEMASKUAR

Asambleja e personelit akademik të FSHN, e mbledhur sot në një takim të jashtëzakonshëm, kundërshton njëzëri kalimin e Kopshtit Botanik në pronësi të Bashkisë së Tiranës.

Asambleja akuzon Ministrinë e Arsimit për mungesë transparence dhe hedh poshtë çdo pretendim të Bashkisë Tiranë për disinformim nga Rektorati dhe strukturat e FSHN-së.

Ajo është në ndjekje dhe në pritje të vendimit të Gjykatës Administrative.

Ky qëndrim i Asamblesë i shprehur dhe në deklaratë, dëshmon qartë se grabitja e Kopshtit Botanik është bërë hajdutërisht, fshehtas, duke anashkaluar çdo konsulencë, opinion apo mendim të anëtarëve të Asamblesë dhe të strukturave drejtuese të FSHN-së dhe të UT-së.

Grabitja njëkohësisht është realizuar në kundërshtim të plotë me Ligjin e Arsimit të Lartë dhe statutin e Universitetit të Tiranës./CNA.al