Hani foton e Rilindjes dhe deklaratën për Republikën e Re, t’ju bëjnë mirë

26 Shtator 2019, 04:14, Aktualitet CNA

Ushqimi ditor i politikës dje ishin një deklaratë dhe një foto erdhën si rufe në qiell të pastër, vetëtimat e lumturisë për shumicën e shqiptarëve.

Deklarata vinte nga Ambasada e SHBA në Tiranë, ku Luli pas 6 muajsh çmenduri e rruge pa krye, e drodhi dhe dje tregoi lidership dhe udhëqësi. Këto dy fjalë brenda deklaratës përshëndetëse të ambasadës për pjesmarrjen e opozitës në takimin për reformën zgjedhore, bënë që të gjithë militantët e PD të ngopëshin për ato 6 muaj që vuajtën rrugëve me protesta e gaz lotsjellës, ku lanë në tavolinë mandatet dhe 61 bashki e qindra këshilltarë.

Mijëra share (shperndarje) nga të njëjtët njërëz, shpërndarje pa fund nga ata që dje shkruanin në murin e facebook të kësaj ambasade se po silleshin si komuniste dhë po mbështesnin një kriminel si Rama, pasi paguheshin nga Soros.

Në fakt edhe pas kaq shumë sharrjeve ndaj ambasadës së SHBA sa PD dukej si bandë anti-Amerikane dhe kaq shumë levdatash pas dy fjalëve të djeshme, Luli ngeli po i njëjti. Eshtë po aq mashtrues, po aq i paaftë, po aq infantil në politikë, po aq dështak si përpara atyre dy fjalëve, dhe pëgjegjësi kryesor për krizën politike, militantët nuk kanë ndryshuar.

I pari e coi opozitën në rrugë pa krye 6 muaj, ndërsa të dytët vazhdojnë të vuajnë njësoj në shtëpitë e tyre me hallet e problemet e përditshme, ndërsa Basha pas kësaj deklarate i ka futur një gotë verë më kunatrin e vjehrin 16 milionë eurosh, dhuratë nga Edi Rama.

Pas suksesit dhe dy fjalive nga ambasada i erdhi rradha kriminelit, trafikantit të drogës, vrasësit të shpresës, hajdutit të koncesionëve dhe PPP-ve, vrasësit të zgjedhjeve të lira, njëriut që ble votat dhe i vjedh me banditë e krimin, dhe këto të gjitha i thotë Lulzimi për Edi Ramën i cili deklaratën që çoi në qiellin e shtatë demokratët e shpëlau me foton e tij me Presidentin e SHBA-ve Donald Trump. Kjo foto është më e vonuar se ajo e Bashës me 1 milion dollarë nga offshore ruse 2 vite më parë.

Një foto protokollare e Ramës në Asamblënë e OKB, foto e zakonshme me shumë lidera botërore dhe Presidenti i SHBA i zhvillon ato si vendi mikpritës i asamblesë të vjeshtës të OKB.

Po njësoj ndodhi edhe më socialistët mijë shpërndarje të fotos, ja në na do Amerika, Edi Skëndërbeu i Elisës në krah të Trump, mediat qeveritare filluan lëpirjen e kështu me rradhë.

Ilir Meta ishte duke kërkuar një krokodil për selfie dhe pritet t’ja sjellin së shpejti, ku do nas tregojë fytyrën e vërtetë të qeverisë.

Por Tirana ishte sërish pa ujë, dikush tha se kishim më pak se laheshin më shumë, kryebashkiaku Veliaj tha se po ruante filtrat nga llumi, mëgjithse kryqyteti ka 2 muaj që digjet për një pikë ujë. Ndërprerja e energjisë vazhdonte e zakontë në zona problematike, çmimet asgjëkundi nuk dukej të ishin ulur, pagat nuk ishin rritur, as pensionet, krimi vazhdonte godiste ku të mundej. Konferenca për reformën zgjehdore nxori Lulin në Tv më shumë se një orë që mos dëgjoheshin opozitarët parlamentarë, Erjon Braçe me përparse bashkë me Bledi Çuçin shpërndanin ndihma, Lali i futi një gotë raki në bahçen e rradhës, Elisa s’na tha gjë dje se ishte e tronditur pas fotos të Skenderbeut, tatimet vazhduan me gjoba ndaj biznesit, doganat vazhdojnë hajdutëritë, spitalet plot me hallexhinj dhe darka që mbyllet me tallavatë e ekraneve ku fytyra thuajse të njëjta, mbushin përnatë barkun bosh të mbrëmjes për shumë shqiptarë, pasi mengjesin e drekën u ngopën me foto e deklarata.

Hani foton e Rilindjes dhe deklaratën për Republikën e Re, t?ju bëjnë mirë!