web counter
LEXO PA REKLAMA!

SHKARKO APP

App Store
Google Play

Elisabeta Imeraj luftë korrupsionit dhe krimit me memorandume/ Zbardhet takimi me Borchard

24 Qershor 2019, 14:52, Aktualitet CNA

Prokuroria pranë Gjykatës së Shkallës së Parë Tiranë dhe Organizata Për Siguri dhe Bashkëpunim në Evropë, Prezenca në Shqipëri, kanë nënshkruar një memorandum mirëkuptimi për nxitjen e bashkëpunimit ndërmjet OSBE – së dhe Prokurorisë në lidhje me zbatimin e një analize sistemi për bashkërendimin, koordinimin, bashkëpunimin dhe komunikimin midis Prokurorisë dhe Policisë Gjyqësore në procedimet penale.

Memorandumi i Mirëkuptimit u nënshkrua nga Drejtuesja e Prokurorisë pranë Gjykatës së Shkallës së Parë Tiranë, Znj. Elizabeta Imeraj dhe Ambasadori i OSBE ? së në Tiranë, Z. Bernd Borchardt.

Kjo nismë e ndërmarrë lidhet me faktin se Zyra e OSBE ? së, në mandatin e saj, ka si qëllim për të dhënë ndihmën e saj në përpjekjet e Republikës së Shqipërisë për të zhvilluar institucione efektive demokratike, duke përfshirë dhe Prokurorinë pranë Gjykatës së Shkallës së Parë Tiranë, dhe për të promovuar shtetin e së drejtës dhe të drejtat e njeriut në një linjë me angazhimet, standardet ndërkombëtare dhe praktikat më të mira të Organizatës për Siguri dhe Bashkëpunim në Evropë.

Në takimin e zhvilluar, Drejtuesja e Prokurorisë pranë Gjykatës së Shkallës së Parë Tiranë theksoi se: ?Marrëveshjet e bashkëpunimit midis OSBE-së dhe Prokurorisë i shërbejnë përmirësimit të punës në luftën kundër krimit e specifikisht në luftën kundër korrupsionit, dhe ndërmarrjen e hapave konkretë në këtë drejtim. Jemi të impenjuar në një luftë pa kompromis kundër krimit, për të krijuar terrene të përshtatshme për transparencë dhe llogaridhënie, të cilat çojnë në ushtrimin nga  secili prej nesh në përmbushjen e rregullt të detyrës. Bashkëpunimi është tregues shumë i rëndësishëm si dhe kontribuon në rritjen e besimit në publik si dhe në ndërtimin e shtetit të së drejtës?./CNA.al

 

 





Lajmet e fundit nga