web counter
LEXO PA REKLAMA!

SHKARKO APP

App Store
Google Play

Tabelat në gjuhën greke/ Rama mesazh për patriotët dhe atdhetarët

6 Maj 2019, 17:51, Aktualitet CNA

Kryeministri Edi Rama gjatë fjalës së tij, teksa prezantohej platforma dhe aplikacioni ?Ambasada Ime? i krijuar nga Ministria e Europës dhe Punëve të Jashtëme, foli edhe rreth tabelave të vendosura në gjuhën greke në zonën e Finiqit në Sarandë.

Sipas Ramës, për tabelat u ngrit një furtunë e kotë dhe ato nuk u hoqën për të mos u vendosur më por për të qenë brenda kritereve.

Më tej Rama përcolli edhe një mesazh për të gjithë ata që bëjnë patriotin.

?U ngrit një furtunë për disa tabela të vendosur në një zonë dhe pranë një zone me shumicë minoritare. U tha cfarë nuk u tha këtej, u ç’u pasua andej, gjithmonë nga zërat dhe burimet që kërkojnë sherr, por është shumë e thjeshtë. Tabelat nuk u hoqën se kishte lidhje me minoritetin por ishin jashtë kritereve dhe të pa marrë parasysh parametrat e sigurisë duke shmangur nevojën e një leje që do i evitonte të gjitha këto dhe shpenzimet e bëra. Nuk u hodhën për të mos u vënë më, nesër do të vendosen dhe deri të premten do të jetë të vendosura të gjitha mbi bazën e ligjit në fuqi dhe kritereve teknike. Të gjithë atyre që bëjnë patriotin apo ultra atdhetarin duke vendosur kunjën sepse në një zonë ku jeton minoriteti ka tabela ku shkruhet edhe greqisht u them se ne jemi një vend europian dhe kur flasim për europën, flasim edhe për këtë. Përveçse për traditën tonë të respektit dhe të të trajtimit të barabartë të kujdo, pavarësisht kombësisë, që jeton në këtë shtëpi?,-tha Rama./CNA.al





Lajmet e fundit nga