web counter
LEXO PA REKLAMA!

SHKARKO APP

App Store
Google Play

A di shqip Ministrja e Arsimit?/ Ish-deputeti demokrat sulmon Besa Shahinin

15 Prill 2019, 12:08, Aktualitet CNA

Në vend të Mynyr Konit, rektor i Universitetit të Tiranës sot është komanduar Bernard Dosti.

Ky zëvendësim ka çuar në reagimin e aktorëve politik.

Ish-deputeti i PD, Luçiano Boçi ka reaguar me anë të një statusi në rrjetet sociale.

?A di shqip Ministrja e Arsimit”. Rama me ministren e tij profane, marrin kontrollin e Universitetit të Tiranës me dhunë, jashtë çdo ligji e Kushtetute. Në një akt të paprecedent antikushtetues dhe antiligjor, Ministrja e arsimit, Shahini pezullon e shkarkon, Rektorin e UT. Në të njëjtin urdhër bakalli, ka komanduar Rektorin e ri. Nenet që i referohet urdhëri, nuk i japin asaj tagër ligjor për të dy vendimet. Por siç duket Ministrja ka shumë probleme me kuptimin e shqipes”, ka shkruar Boçi.

Sipas tij, ministres Shahini i duket vetja “Shullazi i Qeverisë” dhe nuk e ka idenë e rolit që ka.

“Jo vetëm. I duket vetja Shullazja e qeverisë. Ka probleme dhe me kuptimin e rolit që ka. Sipas nenit 39, pika 10, të cituar në Urdhër, Ministrja i propozon shkarkimin e Rektorit, Presidentit.  Në rast mosshprehje nga ana e tij, për një muaj shpall zgjedhjet. Këtë e thotë neni 39/10, troç e shqip shqip. Pra, Ligji nuk parashikon asnjë komandim dhe asnjë ekzekutim shkarkimi, pa fjalën e Presidentit”, shkruan më tej Boçi.

Sipas tij, Shahini ecën në gjurmët e urdhërat e Ramës dhe të dy përfitojnë nga mungesa e Gjykatës Kushtetuese.

“I duket Ligji si letra e munguar higjenike e Ministrisë së Arsimit. Por, së shpejti do përfundojnë vetë si të tillë?, përfundon Boçi reagimin e tij./CNA.al





Lajmet e fundit nga