Magjistrat pa Shkollën e Magjistraturës/ KLP "rehaton" burrin e deputetes së PS

15 Prill 2019, 11:15, Aktualitet CNA

Këshilli i Lartë i Prokurorisë, ka marrë sot një serë vendimesh, pas shkarkimit të drejtuesve të Prokurorisë nga Vettuingu.

Këshilli i Lartë i Prokurorisë ka miratuar me 5 vota pro caktimin në detyrë të prokurorit Bledar Valikaj në Prokurorinë e Shkallës së Parë Tiranë. Në mbledhjen e datës25 Mars, KLP do të vendosë dhënien e statusit të prokurorit, Bledar Valikaj.

Risjellim në vëmendjeje se në vitin 2015 Presidenti Nishani, pasi kreu verifikimet e tij, e rrëzoi propozimin e Prokurorit të Përgjithshëm, duke refuzuar në këtë mënyrë emërimin e bashkëshortit të deputetes socialiste Ermonela Felaj në detyrën e ?prokurorit?.

Nishani nuk e dekretoi Valikajn si prokuror në rrethin gjyqësor të Kukësit me arsyetimin se nuk ishte magjistrat, pra nuk kishte përfunduar shkollën e magjistraturës.

Valikaj reagoi me padi ndaj Nishanit në Gjykatën Administrative ku kërkonte ?Konstatimin e paligjshmërisë së veprimit administrativ të President të Republikës dhe detyrimin e Presidentit te Republikës për të marrë në shqyrtim propozimin e Prokurorit të Përgjithshëm për emërimin ?prokuror? të kandidaturës së Bledar Valikaj.

Gjykata i dha të drejtë Valikajt, kështu KLP, ndonëse me debat vendosi ta rehatojë përfundimisht Valikajn.

Paraprakisht, Komisioni i Zhvillimit të Karrierës pranë KLP ka propozuar prokurorian Sali Hasa për caktim të përkohshëm 3 mujor si drejtues në Sarandë. Ky propozim është miratuar me 7 vota pro.

Ndërsa për caktim të përkohëshem në Prokuriëne e Apelit në Durrës është propozohet nga Komisioni i Zhvillimit të Karrierës në KLP, Ludovik Doda, kandidaturë kjo e miratuar me 10 vota.

Me shumicë votash është miratuar edhe caktimi i z Isa Jata në Prokurorinë pranë Gjykatës së Apelit Krimeve të Rënda.

Me 8 vota është emëruar përkohësisht Aferdita Ndoi Prok pranë Gjykatës së Apelit Durrës.

Me 5 vota pro është miratuar edhe caktimi në detyrë (rikthim në sistemin e prokurorisë) pranë Prokurorisë së Shkallës së Parë Tiranë, të prokurorit Leonard Filopati për shkak të mbarimit të afatit të komandimit në Ministrinë e Drejtësisë./CNA.al