web counter
LEXO PA REKLAMA!

SHKARKO APP

App Store
Google Play

Tensionet tek Bregu i Lumit/ Tabaku: Fëmijët po dridhen nga i ftohti

9 Prill 2019, 08:15, Aktualitet CNA

Ish-deputetë të Partisë Demokratike kanë shkuar sot në mbështetje të protestës së banorëve të Bregut të Lumit, të cilët kundërshtojnë shembjen e shtëpive të tyre, për t?i hapur rrugën Bulevardit të ri të Tiranës.

E pranishmë ishte edhe ish-deputetja e Partisë Demokratike, Jorida Tabaku, e cila në një prononcim për mediat ka deklaruar se policia ka dhunuar e tërhequr zbarrë banorët që kërkojnë të drejtën e tyre.

Ish-deputetja i kërkoi Avokatit të Popullit por edhe ambasadorëve të akredituar në vendin tonë të jenë të pranishëm për të parë se si shkelen të drejtat e shqiptarëve.

?Dhunë e paprecedent, ky shtet që ka kriminalizuar çdo strukturë të tij, s?ka sjellë kaq polici as për kriminelët më të rrezikshëm, ndërkohë që sot këtu për gratë e fëmijët ka sjellë kaq shumë policë. Unë jam pa fjalë, janë dhunuar e janë rrahur zonjat. Fëmijët janë zgjuar nga gjumi e nuk janë lejuar të shkojnë në shkolla. Ata po dridhen nga i ftohti sepse janë nxjerrë me dhunë nga shtëpitë e tyre. Nuk duan asgjë më shumë, vetëm trajtim të barabartë si mbi 200 familje të tjetra që janë prekur nga ku project?,- tha Tabaku ndër të tjera./CNA.al





Lajmet e fundit nga