web counter
LEXO PA REKLAMA!

SHKARKO APP

App Store
Google Play

Vettingu i “preu kokën”/ Prokurori kërcënon komisionerët

9 Prill 2019, 08:09, Aktualitet CNA

Komisioni i Pavarur i Kualifikimit ka vendosur shkarkimin nga detyra të drejtuesit të Prokurorisë së Sarandës, Edison Ademit.

Pas dëgjimit të drejtuesit të Prokurorisë së Vlorës në seancën e 5 prillit, trupa gjykuese e përbëre nga kryesuesja Genta Tafa Bungo, Lulzim Hamitaj dhe Fierdes Shuli mori vendimin e shkarkimit të tij nga detyra, duke u bazuar në hetimin për kriterin e pasurisë dhe aftësive profesionale.

Por, në përfundim të seancës prokurori Edison Ademi ka kërcënuar trupën gjykuese, duke u shprehur: “Kjo nuk mbaron këtu, do përballemi sërish bashkë. Po nuk të futa në burg, mbaje mend”.

KPK, zbuloi se prokurori ka shkelur etikën dhe është shoqëruar me persona që kanë qenë në hetim për armëmbajtje pa leje dhe trafik të drogës.

Sipas rezultateve të vettingut, Edison Ademi kishte folur në telefon me E.M që e kishte hetuar për armëmbajtje si dhe kishte udhëtuar drejt Kosovës në 2014 me automjetin e një të hetuari për trafik droge. Po ashtu vettingu i kishte gjetur Ademit edhe probleme me pasurinë paçka se sipas raportit të ILDKPI-s ai kishte burime për t’i justifikuar por i kishte fshehur dhe kishte bërë deklarime të pasakta ndër vite.

Në seancën e 5 prillit, Edison Ademi kërkoi rihetim nga KPK por kjo kërkesë u refuzua.  Në një reagim të tij publik ditën e djeshme, drejtuesi i Prokurorisë së Sarandës, Edison Ademi, tha se gjetjet e anëtarëve të KPK, bazohen mbi trillime dhe sajesa dashakeqase.





Lajmet e fundit nga