E fundit!

10:34 Aktualitet

Skandaloze/ Shtylla e korrentit mbahet nga telat

Deputeti i PD-së Saimir Korreshi ka denoncuar sërish probl...

Kiri Hajdari mbështet protestën/ Flet edhe për Rudinën

16 Mars 2019, 21:12, Aktualitet CNA

Në një postim në rrjetet sociale ka reaguar vëllai i deputetes Rudina Hajdari, Kiri.

Hajdari shkruan se ndihet krenar që është pjesë e kauzës së opozitës për të rrëzuar qeverinë dhe për t?i hapur rrugë zgjedhjeve të ndreshme.

Më tej djali i Azem Hajdarit, shkruan se edhe pse me motrën e tij Rudinën ka zgjedhur mënyra të ndryshme, fëmijët e themeluesit të Partisë Demokratike, kurrë nuk do të lëshojnë nga parimet dhe vlerat që ai i brumosi që të vegjël.

Ndërkohë që thekson se politika nuk mund të hyjë në lidhjen e shenjtë që ka krijuar Zoti.

Postimi i plotë:

Miq të dashur protestues

Protesta e sotme ishte simbol i uraganit opozitar dhe mbi të gjitha revoltës se të gjithë shqiptarëve.

Besimi dhe shpresa se, Rama i ka ditët e numëruara, është me e gjallë se kurrë.

Ndihem krenar dhe plot shpresë që jam pjesë e kësaj kauze mbarë kombëtare: rrezimit te qeverisë dhe këtij parlamenti, për ti hapur rrugë zgjedhjeve të lira e të ndershme. Vetem me një qeverisje të zgjedhur me vullnet të lirë nga shqiptarët, vendi do ringrihet dhe do ti hapen dyert për integrimin evropian.

Un çdo ditë, do vazhdoj të jem në radhët e protestës sepse kjo nuk është vetëm kauzë e PD, kjo është kauzë për kombin.

Familja jone i ka rrënjët në këtë besim, në Shqipërinë demokratike.

Edhe pse me Rudinën kemi zgjedhur mënyra të ndryshme, qëllimi mbetet përherë i njëjtë. Fitore e opozitës si e vetmja forcë kombëtare që punon për interesat e shqiptarëve dhe jo për pushtet të një grupi njerëzish pa ideale.

Unë jam i bindur fort se NE, fëmijët e themeluesit të Partisë Demokratike, kurrë nuk lëshojmë nga parimet dhe vlerat që ai na brumosi që të vegjël dhe që na udhëhoqën gjatë jetës. Besimin tek mrekullia e lirisë, tek të drejtat njerëzore dhe mosdorëzimin deri në fitoren e tyre.

Nuk mund të ketë vend kurrsesi për dyshimin më të vogël “mbi shkëmbim favoresh personale apo familjare ” pas zgjedhjes politike të Rudinës, sikurse nuk ekziston asnjë imponim, asnjë urdhër, pas zgjedhjes sime, për të protestuar me opoziten, jashtë parlamentit.

Unë gjithmone do e mbështes familjen time, sepse politika nuk mund të hyje në lidhjen e shenjtë qe ka krijuar Zoti brenda një konaku .

Prandaj demokracia, për të cilën protestojmë është e mira me e madhe për njerëzit, idealja për shoqeritë e lira, sepse secili zgjedh vetë rrugën që mendon se është me e duhur per të.

Do jem në krah të Liderit të Partisë Demokratike Lulzim Basha me besim të plote se, vetem me reformat e qeverisë demokratike, Shqipëria do të ringrihet fort dhe do të jetë pjesë e familjes europiane. /CNA.al