web counter
LEXO PA REKLAMA!

SHKARKO APP

App Store
Google Play

E fundit!

x

Topi në duart e Vjollcës dhe shantazhet ndaj drejtësisë

16 Nëntor 2018, 17:55, Aktualitet CNA

Dikur ikona televizive dhe zëri i halleve dhe problemeve të  shqiptarëve, sot duket se ka ndyshuar misionin e tij.

Një televizion kombëtar që ka rënë në duart e një ish-kryetari partie periferike, që me humbjen shpalli urrejtjen ndaj shqiptarëve, çdo ditë mbush zyrat me anëtarë të Libra-s, pas përjashtimit dhe largimit të një pjese të mirë të stafit të këtij televizioni ikonë.

Duket vërtet larg shumë larg misionit të vërtetë mediatik Top Channel, jo vetëm sepse e drejton Ben Blushi një politikan që po kthehet në personazh sarkastik, as sepse komandon një tjetër njëri pa shkollë, apo aksionerë me 6%, apo sulmohen biznese e ministra, loja gjoja opozitare në shërbim të Ramës.

E nga ana tjetër flirtet qesharake me Bashën, servilizmi me Metën, janë pak, shumë pak, për atë që është më skandalozja e këtij televizioni. SHANTAZHI ndaj drejtësisë me emisione skandaloze, ku pas kronikës të plotë fshihen të tjera qëllime.

Të mërkurën në Top Story, u dha një emision për gjyqtarët që kishte larguar Vettingu. Me disa personazhe që bënin gjyqin si në kohën e Enverit përballe gjyqtarëve të përjashtuar, po shitej si një emision televiziv denoncues dhe i fortë për të kërkuar drejtësinë e vërtetë dhe luftuar korrupsionin.

Kjo e fundit mund të vlente në rastin e gjyqtarëve, por jo kur vetë Ben Blushi dhe Top Channel janë zhytur në hakmarrje, sulme e shantazhe ndaj gjyqtarëve dhe vetë sistemit drejtësisë.

Disa fakte flasin vetë. Në emision sulmoheshin gjyqtarë që Ben Blushi, për interesat e Vjollca Hoxhës i ka sulmuar sistematikisht në Top Channel, pasi i ka konsideruar kundërshtarë në ?luftën? e saj për të rrëmbyer nëpërmjet ?drejtësisë? 60% të aksioneve të janë në pronësi të ortakëve të ish-presidentit të ndjerë të Top Media, Dritan Hoxha.

Jo vetëm sulme mediatike por Vjollca Hoxha shkoi deri aty sa organizoi protestë kundër gjyqtarit Shkelzen Selimi, ku çoi shoferët, punonjësit e familjarët e saj.

Blushi u kap në foto me Ardian Dvoranin dhe kjo beri skandal mediatik, ky i fundit e kaloi Vettingun dhe gjithçka u përcoll si pazar i ofruar nga Top Channel në betejën ligjore që ndodhej në gjykatën e lartë.

Një tjetër personazh i përmendur ishte dhe Artan Zeneli, dikur avokat i Top Channel, por i sulmuar me top nga Blushi dhe Vjollca, që në fakt nuk njohin dhe mohojnë kontributin dhe historinë e vërtetë të Top Channel, ndërtuar nga Dritan Hoxha. Ajo ka filluar kur bashkëshortja e tij jetonte në Itali e rriste fëmijët, në ambientet e Top-it hynin e dilnin dhe vendosnin të tjerë persona.

Prandaj kur shikon që Top Channel, bën një emision për të sulmuar disa personazhe që i ka pasur bashkëpunëtorë dhe tani i ka shpallur ?armiq? kupton se emisioni ishte për interesa personale dhe jo të publikut e kupton.

Duke i shtuar më tej faktin se një tjetër gjyqtar si Artan Broci, i cili nuk e kaloi vettingun, nuk u përmend aspak në emision. Duke zbuluar se kishte selektivitet dhe tjetër qëllim, jo emision të vërtetë denoncues.

Përballë këtyre tre fakteve qëndron dhe ai më i vërteti dhe që thyen moralin mediatik të Top Channel, nga ky emision i përgatitur nga Ben Blushi, ngre çdo dyshim të arsyeshëm se misioni ishte një shantazh.

Vjollca Hoxha ndodhet në disa procese gjyqësore, se pari për aksionet e kompanisë, por edhe gjyqe të tjera me një nga ish-drejtuesit kryesorë, pra Top Channel është i mbytur në padi dhe emisioni për Vettingun në drejtësi duket më shumë shantazh për çështjet në proces sesa mision mediatik, për të gjithë argumentat e përmendura më lart.

Që nga gjyqtarët e shpallur ?armiq?, gjyqtarët e mbështetur, të përjashtuarit e fshehur në emision, por edhe çështjet që kjo media ka në proces.

Prandaj ai emision dukej si shantazh ndaj drejtësisë dhe jo si mision mediatik i Top Channel./ CNA.al

Dokumenti/ Si e shatazhoi ?Top Channel? gjyqtarin Fatri Islamaj, për mos të kthyer borxhin prej gjysmë miliardi

Historia e padëgjuar e drejtorit të Top Channel/ Kur Ben Blushi të jepte leje që të ngeleshe me barrë

Shënim/ Ben Blushi, po i bënë ?topin?? TOP?-it

Vjollca Hoxha zgjedh të qëndrojë me Blushin/ Vajzat i dalin kundër për herë të parë

Lista e plotë- ?Gjeneralët dhe Ushtarët? e ?vrarë? të Top Channel nga Vjollca Hoxha dhe Ben Blushi

Top Channel i shpall ?luftë? gjyqtarit/ Vjollca Hoxha dërgon nipin në protestë





Lajmet e fundit nga