E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Arratisja e Gruevskit/ Spartak Ngjela zbulon mikun e tij në Shqipëri

16 Nëntor 2018, 14:29, Aktualitet CNA

Avokati Spartak Ngjela ka reaguar pas arratisjes së ish-kryeministrit Nikolla Gruevski për në Budapest, ku është në pritje të azilit politik.
Në një postim në rrjetet sociale, Ngjela shkruan se ka dyshime që Gruevski është ndihmuar nga ?korrupsioni i lartë shqiptar?.

Me ironi, Ngjela thekson se në Tiranë ka rënë zia, pasi sipas tij miku i Gruevskit, presidenti Meta, ndihet në hall se ish-kryeministri ka kaluar kufirin nga Shqipëria.
?Gruevski i arratisur, me arratinë e tij, e vërtetoi që është vjedhës.
Por, që u arratis nëpërmjet Shqipërisë për në Hungari, mendohet se është ndihmuar nga korrupsioni i lartë shqiptar.
Në Tiranë ka rënë zia. Miku i madh i Gruevskit, Meta, ndihet në hall se Gruevski u vërtetua nga policia shqiptare që ka dalë nga Shqipëria për të shkuar në Hungari.
Po Meta ka gisht??-shkruan Ngjela.

Po ashtu avokati shton se FBI dhe policia shqiptare mund ta dinë se kush fshihet pas kësaj ngjarje, ndërsa shtoi se nëse vërtetohet se pas saj fshihet Meta, ai duhet të dorëhiqet.
?Këtë e di FBI. Nëse FBI ia ka vërtetuar, Meta duhet të japë dorëheqjen. Është një veprim tejet ordiner për një President.
Miqësia e Metës me Gruevskin në thelb është tërbim antishqiptar. Ishte Meta ai i cili i kërkoi Ali Ahmetit që ky të bashkohej me Gruevskin për t?i dhënë pushtetin këtij të fundit dhe jo Zaevit. Domethënë i kërko liderit shqiptar të Maqedonisë të ishte kundër shqiptarëve. Kurse Ali Ahmeti nuk e dëgjoi.
Po policia shqiptare, a mund ta provojë që Meta ka gisht ndihmues në arratinë e Gruevskit nëpërmjet territorit shqiptar??-thekson avokati.

Më tej, ai shkruan se nëse Meta ka gisht në këtë histori, atëherë këtë e di edhe kryeministri Rama.
?Nëse Meta ka pasur gisht, këtë tani e di edhe policia shqiptare. Atëherë këtë e di edhe kryeministri Rama. Po Rama do ta denoncojë? Nëse e ka vërtetuar policia shqiptare nuk ka se çfarë të bëjë, sepse, pas këtij fakti, mosdenoncimi është me shumë pasoja negative për një kryeministër. Por gjithsesi, komedia qëndron se, po të jetë kapur Meta nga policia shqiptare në çështjen Gruevski, tani Meta është në mëshirën e zëvëndësministrit të Brendshëm Lleshaj, të cilit i refuzoi emërimin si ministër.
E shihni se sa qesharak bëhet korrupsioni shtetëror kur kapet nga ligji?
Gjithsesi, fati i të korruptuarit Gruevski, prite të jetë edhe fati i korrupsionit të larë shtetëror shqiptar. Është e njëjta histori, dhe është po e njëjta psikikë kriminale që ka drejtuar si Shqipërinë, ashtu edhe Maqedoninë, në këta njëzet vjetët e fundit.?-shkruan në postimin e tij avokati Spartak Ngjela./ CNA.al