U vunë prangat/ Kush i fundosi ish-deputetët e Ramës

21 Tetor 2018, 18:28, Aktualitet CNA

Në tre orë dy ish-deputetë të Partisë Socialiste janë arrestuar. Kujtojmë këtu se në pranga kanë rënë ish-deputeti i qarkut Lezhë, Arben Ndoka dhe ish-deputeti i qarkut Fier Arben Çuko.

Për arrestimin e Çukos ministrja e Drejtësisë Etilda Gjoni tha se shkarkua në datë 3 shtator nga detyra për keqmenaxhim të burgjeve dhe dyshimeve për korrupsion.

?Në cilësinë gjithashtu edhe të Koordinatores Kombëtare të Task-Forcës Antikorrupsion i kam dërguar prokurorisë të gjitha materialet e konstatuara nga auditimi i brendshëm si shkelje të kryera në Drejtorinë e përgjithshme të burgjeve. E përshëndes dhe e mbështes prokurorinë në zbardhjen deri në fund të veprimeve të ish-drejtorit dhe shpreh edhe njëherë vullnetin e hekurt të qeverisë shqiptare për të luftuar korrupsionin pa bërë dallime të asnjë natyre?, – shkruhej në njoftimin e Ministrisë se Drejtësisë për media.

Ndërsa Ndoka u arrestua bashkë me vëllanë e tij, Xhevair Ndokën pas një hetimi disa mujor.

?Policia e Shtetit ka ekzekutuar urdhrin e arrestit për shtetasin Arben Ndoka, 46 vjeç, nga Lezha, për të cilin Gjykata e Krimeve të Rënda ka caktuar masën ?Arrest në burg?. Ai dyshohet për veprat penale ?Falsifikimi i dokumenteve?, Falsifikimi i vulave, stampave ose i formularëve?, ?Shpërdorimi i tokës?, në kuadër të një grupi kriminal, të përfshirë në tjetërsim tokash. Hetimi disa mujor ka mbledhur prova dhe se ky grup kriminal dyshohet si i implikuar në abuzimet me troje shtetërore në zonën e Lezhës dhe Kurbinit, përmes falsifikimit të dokumenteve e vulave?, ? shkruhej në njoftimin e policisë.

Pra nga e gjitha kjo rezulton se si Ndoka ashtu edhe Çuko u arrestuan, pas hetimeve disa mujore dhe disa përgjimeve.

Kujtojmë këtu se edhe ministri i Brendshëm Fatmir Xhafaj e paralajmëroi arrestimin e tyre, disa kohë më parë.

Në një konferencë për mediat ai tha ?T?ju jap një këshillë, gjatë këtyre ditëve dhe javëve, rrini afër me Ardin dhe Gentin (përkatësisht drejtori i marrëdhënieve me publikun dhe zëdhënësi), se do ketë lajme interesante. Se kur bashkëpunohet ka dhe gjëra të mira. Të tjerat dalëngadalë./ CNA.al

Detaje të reja/ Si iu vunë prangat ish-deputetit socialist

Arrestimi i ish-deputetit të PS-së/ E shkuara kriminale e Arben Ndokës

Ish-deputetët e Ramës në pranga/ PD tallet keqazi me kryeministrin

Fakte/ Xhafaj paralajmëroi arrestimet ish-deputetëve të Ramës