web counter
LEXO PA REKLAMA!

SHKARKO APP

App Store
Google Play

Furtunë në administratë/ Një mijë punonjës zbulohen me shkelje, Rama ultimatum ministrave

19 Tetor 2018, 07:07, Aktualitet CNA

Qeveria shqiptare ka paralajmëruar furtunë në administratën publike. Në një raport të Ministrisë së Drejtësisë, ku jepen detaje mbi gjithë auditimet që janë bërë gjatë 6-mujorit të parë të këtij viti nëpër institucione të ndryshme, ministri, drejtori dhe çdo zyrë të shtetit, thuhet se në të gjitha këto institucione janë kryer rreth 354 auditime, ndërsa kanë rezultuar me shkelje plot 1074 zyrtarë dhe nëpunës së shtetit.-raporton gazeta Sot.

Po ashtu, në raport thuhet për të gjithë këta zyrtarë janë dhënë shumë masa administrative dhe disiplinore, ndërsa për disa prej tyre ka pasur kallëzime penale. ?Nga kontrolli dhe verifikimi (hetimi administrativ) i zbatimit të ligjshmërisë dhe/ose denoncimeve për praktika abuzive, korruptive apo arbitrare në të gjitha institucionet e administratës publike dhe agjencitë shtetërore, rezulton se gjatë gjashtëmujorit të parë, një pjesë e konsiderueshme e institucioneve kanë kryer kontrolle të brendshme dhe inspektime, ku janë dhënë 117 masa disiplinore, 928 masa administrative, 28 kallëzime penale, si dhe 1 rekomandim për kallëzim penal. Në kuadër të Task Forcës Antikorrupsion, për muajin maj-qershor 2018, Task Forca Antikorrupsion ka kontrolluar 35 institucione, si dhe janë përfunduar 25 kontrolle, nga të cilat janë rekomanduar: 162 masa disiplinore, 95 masa administrative, 6 kallëzime penale?, thuhet në raport.

Nisur nga ky raport, kryeministri Edi Rama ka urdhëruar ministrat dhe deputetët që të nisin një valë të re shkarkimesh, ku në fokus duhet të jenë militantët e LSI.

Kjo porosi e Ramës, ka ardhur edhe nga fakti që janë gjetur mijëra shkelje në administratë, sidomos në drejtoritë e drejtuara nga LSI, siç janë AKU, Burgjet, etj.





Lajmet e fundit nga