Berisha i del kundër/ Basha në fund të karrierës politike?!

19 Tetor 2018, 08:20, Aktualitet CNA

Prej rreth pesë vitesh, partia më e madhe opozitare në vend, Partia Demokratike e Shqipërisë drejtohet nga Lulzim Basha. Por, çfarë ka ndodhur në këto vite?

Me marrjen e drejtimit nga Lulzim Basha, PD po shkërmoqet dita-ditës. Përveç shpartallimit të strukturave të PD-së, edhe vetë Lulzim Basha po humbet kredibilitet në opinionin publik, gjë e cila kuptohet lehtë në daljet e tij televizive, ku nuk e ndjek më askush.

Ashtu siç ne të CNA.al e kemi thënë shpesh, në shumë raste Basha e ka treguar se vijon marrëveshjen me Ramën, duke u shndërruar në patericë të pushtetit të tij. Dhe në daljet televizive për ‘tu justifikuar bën edhe deklarata qesharake, sic tha pak kohë më parë se ?Nuk mund të bëj revolucion për të rrëzuar Ramën se më thonë Merkel dhe Trump se e ke marrë pushtetin dhe dhunë?.

Por, duket se përveç humbjes së mbështetjes nga demokratët, Basha po humbet edhe mbështetjen e ish-kryeministrit dhe liderit historik të PD, Sali Berisha.

Ish-kryeministri Sali Berisha mbrëmjen e djeshme, i ftuar në studione ABCNeës, ka bërë sërish thirrje për mosbindje civile si dhe ka përsëritur idenë se përmbysja e Ramës me forcë është e vetmja mënyrë për të shpëtuar vendin.

?Opozita e nxjerr tani siç e meriton para të gjithë Europës, ne na pyesin cila është zgjidhja. Nuk ka asnjë zgjidhje, sepse ky i ka djegur të gjitha etapat, i ka shkelmuar të gjitha ligjet, sot gjithçka është në dorën e tij, në vullnetin e tij dhe të supermafiozit ?Don Agaçio?. Plani B është përmbysja me forcë e tij. Rrugëzgjidhje tjetër, absolutisht kushdo të thotë ç?të dojë, nuk ka. Përmbysja me forcë e tij dhe sa më shpejt, sot jemi një republikë me emër kanabisi, droge, bixhozi dhe një vend pa drejtësi?, tha ai.

Pra, Berisha vijon të bëjë thirrje për revolucion, ndërkohë që Basha thotë të kundërten. Berisha e quan ?vetëvrasje? politike nëse opozita futet në zgjedhje, por Basha sërish thotë të kundërten.
Mbrëmjen e djeshme kreu i PD, Lulzim Basha ka qënë i ftuar në emisionin ?Opinion? të Blendi Fevziut, ku përveç faktit që nuk prodhoi asnjë lajm, që nuk tha asgjë të re, tha se opozita do të hyjë në zgjedhje.

?Qëllimi ynë politik është që përmes zgjedhjeve të lira dhe të ndershme opozita të fitojë besueshmërinë e qytetarëve dhe të qeverisë vendin.?-tha Basha.

Ndërkohë që Berisha në disa dalje telvizive vijon të bëjë thirrje për përmbysjen e pushtetit të Ramës me forcë dhe thotë se opozita nuk duhet të hyjë në zgjedhje, duke i drejtuar kështu mesazhe direkte kreut të PD, Lulzim Basha, ky i fundit sërish vijon të jetë ?patericë? e pushtetit të Ramës.

Pra, përveç skandale të shumta në të cilat është përfshirë Lulzim Basha, duket se tashmë do të humbasë edhe mbështetjen e Berishës, gjë që do ti sillte edhe fundin e karrierës së tij politike./CNA.al