LEXO PA REKLAMA!

SHKARKO APP

Skandali me lobimet në SHBA/ Basha në fund të karrierës?!

12 Tetor 2018, 11:10, Aktualitet CNA
Skandali me lobimet në SHBA/ Basha në fund të karrierës?!

Në prag të fushatës elektorale për zgjedhjet parlamentare të 25 qershorit, Partia Demokratike e udhëhequr nga Lulzim Basha lidhi dy kontrata me lobistin e saj në Uashington, ?Stonington Strategies?, në mënyrë që të siguronte takime të nivelit të lartë me administratën e Presidentit Donald Trump.

Kontratat u raportuan më 14 nëntor në Departamentin Amerikan të Drejtësisë nga kompania ?Stonington Strategies?, ku deklaron se ka marrë dy pagesa nga Partia Demokratike me vlerë totale 525 mijë USD dhe një pagesë të tretë nga ?Biniatta Trade LP?-një kompani guackë e regjistruar në Skoci në vlerën e 150 mijë USD. Skandali bëri jo pak bujë si në mediat vendase, ashtu edhe në ato jashtë vendit.

Ndërkohë po në muajin nëntor, agjencia e lajmeve BIRN publikoi një material të plotë mbi fondet që PD kishte paguar për të siguruar mbështetje në administratën e lartë amerikane.

Ndërsa pas kësaj, ishte revista investigative amerikane ?Mother Jones?, e cila publikoi një investigim të plotë për financimin me 675 mijë dollarë nga PD për kompaninë Muzin, me firmën dhe negocimin personal të Lulzim Bashës, për të siguruar mbështetje në SHBA.

Nga ana tjetër, denoncimi u publikua edhe të Zëri i Amerikës, New York Times dhe bëri një zhurmë të madhe në Shqipëri. Sipas mediave amerikane qendra e kompanisë Binniata Trade LP, e cila në skandalin e denoncuar ka paguar 150 mijë dollarë për PD-në, kompanisë amerikane Muzin, ndodhet në Edinburgh.

Rreth dy javë pas publikimit të këtij denoncimi u publikua edhe një foto e Lulzim Bashës. Në media dhe nga politika u raportua se kreu i PD-së po udhëtonte drejt Edinburgut, kryeqytetit të Skocisë, ndërkohë CNA.al edhe disa ditë më parë raportoi se Basha ka udhëtuar sërish drejt Edinburghut, atu ku ndodhet kompania Binniata, e cila ka dy pronarë rus dhe qendrën e ka në Edinburg, aty ku Basha shkoi në dhjetor.

Pas publikimit të skandalit në media, Prokuroria e Përgjithshme njoftoi se ka nisur hetimet nga Prokuroria e Tiranës për veprat penale të falsifikimit dhe mosdeklarimit-fshehja ose deklarimi i rremë i pasurive, të parashikuara në nenet 190 dhe 257/a të Kodit Penal. Në kuadër të hetimeve, Prokuroria shqipare i është drejtuar me anë të një letër-porosie edhe SHBA-së, në lidhje me  kontratat e lobimit të Partisë Demokratike.

Ndërkohë që vetë Basha është munduar ta kalojë në heshtje apo duke mohuar akuzat në lidhje me këtë skandal, faktet kryqëzojnë kreun e PD-së, për të cilin duket se po shtrëngohet laku.

Fotoja e Lulzim Bashës me presidentin Trump është e provuar, deklarimet në Departamentin Amerikan të Drejtësisë nga kompania Muzin janë të provuara dhe pagesat e Binniata tek Muzin po ashtu./CNA.al

Ekskluzive-SHBA sjell dosjen ?Basha?/ Fundoset kreu i PD-së?

INVESTIGIMI/ Rusët financuan për foton e Lulzim Bashës me Trump

Luli shkoi në Edinburg për paratë e Binniata-s?/ Gjurmët që thellojnë akuzat ndaj Bashës 

Sërish skandal me firmat e lobimit/ Basha paguan 40 mijë dollarë për të nxirë Shqipërinë

Skandali i lobimit në kompanitë off-shore/ Basha sërish drejt Edinburghut

Shtrëngohet ?laku? për Lulzim Bashën/ SHBA sjell dokumentet që fundosin kreun e PD-së

Lajmet e fundit nga