INVESTIGIMI/ Rusët financuan për foton e Lulzim Bashës me Trump

6 Mars 2018, 19:49, Aktualitet CNA

Gazetarët, David Corn, Hannah Vevintova dhe Dan Friedman, kanë publikuar në “motherjones.com”, një shkrim investigativ që hedh dritë mbi lidhjet e fshehta të Lulzim Bashës dhe kompanive të lobimit, nëpërmjet të të cilave u bë i mundur edhe takimi i Bashës me Presidentin e SHBA-ve Donald Trump.

Sipas këtij investigimi, rezulton se pas kompanisë lobuese, “fantazmë”, qëndron Rusia, e cila sponsorizoi Bashën në SHBA dhe u përpoq të ndikonte të zgjedhjet në Shqipëri, me synim krijimin e tensioneve politike në Ballkan, për të penguar integrimin e vendeve në BE.

Sipas investigimit, rusët kanë dalluar te Basha, dikë që mund të përmbyste axhendën politike pro-Bashkimit Evropian në Shqipëri, të udhëhequr nga Edi Rama.

Në këtë artikull publikohen fakte sesi Lulzim Basha, ka ofruar pagesa të majme për promovimin e tij në SHBA.

Në të njëjtin shkrim thuhet se Basha ka kontraktuar një lobist Amerikan të quajtur Nick Muzin, i cili është edhe një ish-ndihmës i fushatës së Donald Trump. Kontrata mes Muzin dhe Partisë Demokratike është firmosur nga Basha, për të lobuar për PD-në në muajt mars, prill dhe maj, e për këtë ai do të merrte 25 mijë dollarë për shërbimet që do të kryente brenda këtij harku kohor.

Veç të tjerave në shkrim thuhet:

?Një ish-ndihmës i fushatës së Donald Trump i cili punon si lobist; Një pagesë gjysmë milionë dollarë, një parti e djathtë shqiptare; Katër kongresmenë Republikanë; Breitbart News; Një administrues i një restoranti kosher në Nju Jork; Një shërbim të dhënash online që promovon gratë e ?bukura? ukrainase, dhe kompanitë e naftës të lidhura me Rusinë. Këto janë disa prej elementëve në një histori të çuditshme ndikimi që ngre dyshimet se rusët në mënyrë të fshehtë përdorën republikanët në Uashington në përpjekje për të shkaktuar konflikte politike në Ballkan.

Është një histori e ndërlikuar me shumë intriga politike. Një vit më parë, një kompani fantazmë skoceze e quajtur Biniatta Trade, e përbërë nga dy kompani nafte me qendër në Belize, paguan një lobist republikan dhe ish-ndihmës i fushatës së Trump i quajtur Nick Muzin në mënyrë që të ndihmonte Partinë Demokratike të Shqipërisë në SHBA.

Në atë kohë, ishin duke u zhvilluar zgjedhjet parlamentare në Shqipëri, dhe e djathta po e sfidonte qeverinë e drejtuar nga Partia Socialiste. Qeveria udhëhiqej nga kryeministri Edi Rama, i cili po e drejtonte Shqipërinë drejt bashkimit Evropian dhe kishte paralajmëruar për rritjen e ndikimit rus në Ballkan. Si për rastësi (ose jo edhe aq rastësisht), dy kompanitë e naftës nga Belize që qëndronin pas Biniatta Trade ishin që të dyja të lidhura me firma të kontrolluara nga rusët.

Nga kjo del se subjekte të lidhura me Rusinë ndërhynë në mënyrë të fshehtë në SHBA në mënyrë që të ndikonin të zgjedhjet në Shqipëri.?

Ky shkrim tregon sesi Rusia ka lobuar dhe financuar fotografinë e Bashës në Uashington dhe se ka futur në telash lobistët e tij me drejtësinë amerikane. /CNA.al

Shkrimi i plotë në “MotherJones.com”