Kokaina në Durrës/ Çfarë fsheh Besim Hajdarmataj?

6 Mars 2018, 12:16, Aktualitet CNA

Më 28 shkurt 2018, në Maminas, është kapur një sasi rekord kokaine me vlerë tregu rreth 180 milion euro.

Në një konferencë për media, kreu i Policisë së Shtetit Ardi Veliu dhe kreu i Prokurorisë së Krimeve të Rënda Besim Hajdarmataj u deklaruan rreth operacionit, pa kaluar në detaje.

Në pranga u vunë dy shtetas, përkatësisht menaxheri i kompanisë Arbri Garden dhe shoferi i kamionit, ndërsa u shpall në kërkim pronari i kompanisë Arbër Çekaj (Kuliçi).

Menjëherë pas këtij operacioni reagimet ishin të shumta si nga e ana e politikës, ish zyrtarëve të policisë apo edhe të gazetarëve.

Çdo ditë dalin në dritë detaje të reja, madje sipas gazetarit Flamur Vezaj, dosja e të shpallurit në kërkim Arbër Çekaj, është mbyllur më herët nga Besim Hajdarmataj, i cili në atë kohë ishte numri dy i Krimeve të Rënda.

Sipas Vezajt, më 2 dhjetor 2015 pranë Kryesekretarisë së Prokurorisë për Krime të Rënda, Policia e Shtetit ka dërguar një material referues për shtetasin Arbër Çekaj, pronar i kompanisë që importonte nga vendet e Amerikës latine, banane. Ky material është regjistruar në prokurori me numër protokolli 12041 dhe 12041/1.

“Në atë kohë Prokuroria për Krime të Rënda kishte zv.drejtues të emëruar nga Adriatik Llalla prokurorin Besim Hajdarmataj, që tashmë është drejtues. Për llogari të kësaj çështje, Çekaj u thirr në prokurori ku pretendoi në atë kohë që kishte porositur banane dhe jo kokainë. Pak kohë pas ?këtij rrëfimi? në krye të Krimeve të Rënda u emërua si drejtues Besim Hajdaramataj dhe po me firmën e tij dosja e Arbër Çekajt u pezullua dhe kaloi në arkivë me arsyetimin se kolumbianët nuk kishin sjellë materialet”, ka shkruar gazetari Vezaj.

CNA.al (CityNews Albania), provoi të merrte një qëndrim nga kreu i Krimeve të Rënda Besim Hajdarmataj, mirëpo ky i fundit nuk ka denjuar të hapë telefoni dhe as t?ju përgjigjet mesazheve.

Kështu, Hajdarmataj as e ka pohuar, por as e ka mohuar se ka mbyllur dosjen e Çekajt më herët.

Dihet që Prokuroria për rolin që ka nuk mund të deklarohet për çështje nën hetim, ndonëse deri më tani e kanë bërë në forma të ndryshme me apo pa qëllim.

Por, në rastin kur ka një akuzë të tillë dhe kreu i institucionit hesht, nuk mund të pretendohet më për luftim të krimi i organizuar dhe korrupsionit.

Dhe, prokurorisë së Krimeve të Rënda vetëm emri duket se i ka mbetur i tillë, pasi po shërben vetëm për rehabilitimin e të inkriminuarve apo të ?peshqve të mëdhenj?, siç rëndom thuhet në korridoret e organeve të drejtësisë dhe politikës./CNA.al