Kreu i Kushtetueses nën filtrin e Vetingut/ Dedja në kushte “të mjerueshme” financiare

6 Mars 2018, 14:53, Aktualitet CNA

Anëtarët e Gjykatës Kushtetuese, duke qenë në vëmendje të opinionit publik por edhe të ndërkombëtarëve, në dhjetor të vitit 2016 ndezën dritën jeshile, për t?i hapur rrugë zbatimit të ligjit për Vetingun.

Ligji për Vetingun përcakton që prioritet t?u jepet krerëve të institucioneve të Drejtësisë.

CNA.al (CityNews Albania), prej disa ditësh dhe njeherësh me procesin e Vetingut ka nisur zbardhjen e pasurive të krerëve, të institucioneve të drejtësisë.

Kemi nisur me organin e akuzës për të vijuar më tej me gjykatat.

Pas zbardhjes së pasurisë së super-milionerit Xhezair Zaganjori, CNA.al, sjell deklaratën e pasurisë të kryetarit të Gjykatës Kushtetuese Bashkim Dedja.

Bashkim Dedja u rizgjodh Kryetar i Gjykatës Kushtetuese , në tetor të vitit të shkuar, duke siguruar kështu një mandat të dytë në drejtimin e këtij institucioni për tre vitet në vazhdim.

Deri më tani, Dedja rezulton më i varfëri nga njerëzit e drejtësisë dhe i zhytur në kredi.

Të ardhurat e tij vjetore nga pozicioni në Kushtetuese për 2016 në total kapin shumën 2.2 milionë lekë, ndërsa 39 milionë lekë janë të ardhurat si pedagog në Shkollën e Magjistraturës si dhe gjendja e llogarisë bankare e pagës është në shumën 60 901 lekë.

Për vitin 2016, Dedja ka deklaruar të ardhura nga paga si kryetar i Gjykatës Kushtetuese, në shumën 2 215 140 lekë si dhe të ardhura nga paga si pedagog i jashtëm i Shkollës së Magjistraturës, 39 320 lekë.

Gjithashtu ai ka deklaruar të ardhurat e bashkëshortes, që vijnë nga paga si Nëndrejtore tek shkolla ?Jeronim De Rada?, 74 450 lekë, të ardhura nga ISSH si pagesa për barrëlindje, 290 416 lekë si dhe gjendje llogarie në shumën 293.116 lekë.

Dedja rezulton me kredi për blerjen e një apartamenti dhe garazhi.

Ai ka deklaruar detyrime të papaguara në vlerën 15 100 .005 lekë për kredi bankare marrë më 02.12.2013 për blerje apartamenti dhe garazhi në shumën 16 800 000 lekë, afat shlyerje 20 vjet, këst mujor 109. 118 lekë dhe interes 5.04%.

Ndërsa referuar të dhënave të marra nga Open Spending Albania, përgjatë vitit 2014, Dedja ka deklaruar të ardhurat nga paga si kryetar i Gjykatës Kushtetuese, në shumën 2, 257 073 lekë dhe të ardhura nga paga si pedagog i jashtëm i Shkollës së Magjistraturës, 61 200 lekë.

Bashkëshortja, të ardhura nga paga si mësuese tek shkolla ?Jeronim De Rada?, 548 588 lekë.

Kredi në bankë të nivelit të dytë me vlerë detyrimi financiar të pashlyer, – 16 240 561 lekë, e marrë në vitin 2013, me principal 16.8 milionë lekë, afat shlyerje 20 vjet, këst mujor 110 116 lekë, bashkëshortja si dorëzanë./CNA.al