Shtrëngohet “laku” për Lulzim Bashën/ SHBA sjell dokumentet që fundosin kreun e PD-së

12 Tetor 2018, 09:00, Aktualitet CNA

Shtetet e Bashkuara të Amerikës kanë dorëzuar në Prokurorinë e Tiranës dokumentet e para për skandalin e Partisë Demokratike me lobimet. Kreu i saj Lulzim Basha u vendos nën hetim nga prokuroria, pas një investigimi të bërë nga mediat shqiptare dhe ato amerikane, mbi shpenzimet që janë bërë për lobime në SHBA. PD ka deklaruar në Komisionin Qendror të Zgjedhjeve rreth 160 mijë dollarë shpenzime, por në të vërtetë ka rezultuar se ka pasur një kontratë me vlerë 675 mijë dollarë me kompaninë ?Biniatta Trade LP?. Për këtë arsye prokuroria nisi hetimet dhe kërkoi të dhëna nga autoritetet amerikane mbi deklarimet që kompania në fjalë dhe drejtuesi i saj Nicoilas Muzin kanë bërë në Departamentin Amerikan të Drejtësisë.

Prokuroria bëri me dije se dosja me dokumentet për kontratat mes palëve ka mbërritur para pak ditësh në Shqipëri dhe konfirmohen kontratat e ?Biniatta Trade LP? me PD. Nga ana tjetër prokuroria është në pritje të dëshmisë së Nicolas Muzin dhënë pranë autoriteteve amerikane.-shkruan gazeta Sot.

Deklarata e prokurorisë tregon se telashet për PD janë shtuar ndjeshëm ditët e fundit. Dje u arrestua ?Babalja? dhe në varësi të deklaratave të tij varet dhe fati i deputetit Ervin Salianji, pasi dhe ai mund të përfundojë në qeli. Nga ana tjetër SHBA ka dorëzuar të dhënat për lobimet e Bashës dhe prokuroria po dëshmon se po avancon ndjeshëm me hetimet.

Kujtojmë këtu se rreth fundit të vitit të kaluar, kreu i Partisë Demokratike, Lulzim Basha u përfshi në një skandal, i cili bëri jo pak bujë si në mediat vendase, ashtu edhe në ato jashtë vendit. Në muajin nëntor të vitit të shkuar, agjencia e lajmeve BIRN publikoi një material të plotë mbi fondet që PD kishte paguar për të siguruar mbështetje në administratën e lartë amerikane.

Ndërsa, pak kohë më parë revista investigative amerikane ?Mother Jones? publikoi një investigim të plotë për financimin me 675 mijë dollarë nga PD për kompaninë Muzin, me firmën dhe negocimin personal të Lulzim Bashës, për të siguruar mbështetje në SHBA.

Sërish skandal me firmat e lobimit/ Basha paguan 40 mijë dollarë për të nxirë Shqipërinë

Skandali i lobimit në kompanitë off-shore/ Basha sërish drejt Edinburghut

Lobimi i PD në SHBA/ Gati prangat për Bashën?

Luli shkoi në Edinburg për paratë e Binniata-s?/ Gjurmët që thellojnë akuzat ndaj Bashës

Lobimi në SHBA/ Çfarë u ka premtuar rusëve Lulzim Basha?