LEXO PA REKLAMA!

SHKARKO APP

Mbi trupin e Lulit kalon vetëm Rama

6 Korrik 2018, 09:47, Aktualitet CNA
Mbi trupin e Lulit kalon vetëm Rama

Kryetari i Partisë Demokratike, Lulzim Basha dje përsëriti një shprehje të tij, të thënë më shumë se një vit më parë.

Në mars të 2017-ës, kur Basha ishte ngujuar në çadër, Edi Rama bëri disa lëvizje të befasishme. Ai shkarkoi katër ministra dhe emëroi të tjerë. Largoi njeriun e tij më besnik, Saimir Tahirin në atë kohë ish-ministër i Brendshëm. Opozita e akuzonte fort për kanabizimin e vendit dhe Rama në një moment qetësie, rreth datës 11 mars, bëri shkarkimin e Tahirit dhe në vend të tij vendosi Fatmir Xhafën.

Lulzim Basha e quajti si fitore të PD dhe të çadrës. E refuzoi emërimin e Xhafës, duke thënë se nuk do të shkonte në një pakt me Ramën dhe Xhafën ministër të Brendshëm, madje për me tepër tha këtë tezë. ?Ai nuk do të hyjë në zyrë dhe nuk do të bëhet kurrë ministër, veçse nëse kalon mbi trupat tanë?.- Kjo ishte fjalia e artikuluar nga Lulzim Basha një vit më parë.

Fatmir Xhafa një ditë më pas shkoi në zyrë, u bë ministër i Brendshëm, dhe më pas u largua me marrëveshjen e 18 majit, në kohën kur ministria e Brendshme u drejtua më pas nga kolonel Demiraj, njeriu i rekomanduar në bazë të marrëveshjes nga Partia Demokratike.

Me largimin e Demirajt, Fatmir Xhafa u rikthye në detyrë. Atë e pasuan shumë skandale. Së fundi edhe një skandal i denoncuar nga Partia Demokratike, që fillonte me dënimin e vëllait të Fatmir Xhafajt për trafik ndërkombëtar droge, dhe deri tek një audio-përgjim, që u quajt ?audio-Babale?, e cila rezultoi të ishte një fallcitet dhe mashtrim publik.

Gjithësesi, le të kthehemi në aktualitet. Dje, Basha ka përsëritur të njëjtën tezë. Për të Teatri nuk do të shembet. Nuk do të ndodhë shembja e tij, pasi Basha u rikthye te teza e një viti më parë. ?Teatri do të shembet vetëm nëse kalojnë mbi trupat tanë?.

Është hera e dytë që Lulzim Basha e thotë këtë fjali. Ndërkohë që parlamenti miratoi ligjin për të dhënë me Partneritet Publik Privat ndërtimin e Teatrit të ri, një pjesë të truallit shtetëror si një koncesion midis një subjekti privat, firmës Fusha dhe qeverisë shqiptare.

Është hera e dytë që Lulzim Basha thotë ?Askush nuk do të ndërtojë po nuk kaloi mbi trupat tanë?, apo ?Askush nuk do të hyjë në zyrë pa kaluar mbi trupat tanë?.

Ndoshta koha tregoi se Lulzim Basha ka thënë drejt. Në fakt ai nuk gënjen. Herën e parë askush nuk hyri në zyrë pa kaluar mbi trupin e Lulit, veçse Xhafa u rikthye në detyrë pasi Edi Rama kaloi mbi trupin e Lulzim Bashës.

Tashmë të njëjtën tezë ai e tha edhe për ndërtimin e Teatrit. Tani nuk na ka ngel gjë tjetër, veçse të presim që Edi Rama të kalojë mbi trupin e Lulit dhe më pas Teatri Kombëtar të ndërtohet i qetë dhe t’i rikthehemi normalitetit politik në Shqipëri.

Mesa duket opozita jonë, e drejtuar fatkeqësisht nga Lulzim Basha, ka vetëm një problem. Ai kërkon që për gjithçka, për çdo gjë, Edi Rama të kalojë mbi trupin e tij.

Tani duhet të presim edhe pak, sa të ndodhë akti i dytë./ CNA.al

Lajmet e fundit nga