Hajdarmataj me duar bosh nga Katania?/ Zbardhet e vërteta

9 Qershor 2018, 11:30, Aktualitet CNA

Prokurori i çështjes ?Tahiri?, Besim Hajdarmataj dhe një oficer i policisë gjyqësore, në fund të muajit maj, zbarkuan në Katania për të marrë në pyetje vëllezërit Moisi Habilaj si dhe grupin e tij të akuzuar për trafik ndërkombëtar droge.

Udhëtimi i i prokurorit të Tahirit, drejt Katanias, ndodhi dy ditë, pasi Gjykata e Apelit vendosi lirimin e Saimir Tahirit, i cili dyshohet si i përfshirë në këtë çështje si favorizues dhe bashkëpunëtor në trafikun e lëndëve narkotike.

Në Katania, Hajdarmataj përveç vëllezërve Habilaj ka marrë në pyetje edhe shtetasin Nazer Seiti.

Ky i fundit,i cili u ekstradua në rrethana të dyshimta drejt Italisë, konsiderohet si dëshmitari kyç i këtij procesi.

CNA.al mëson se marrja në pyetje e shtetasve në fjalë është bërë në prani të homologëve italianë.

Përfaqësuesit e akuzës shqiptare dhe përfaqësuesit e palës italiane kanë bërë një marrëveshje, rreth seancës së marrjes në pyetje.

Pas përfundimit të marrjes në pyetje, pala italiane dhe ajo shqiptare janë dakortësuar për diskret të plotë të çështjes, pasi e gjitha kjo rrezikon hetimet e deritanishme.

Thënë ndryshe vëllezërit Habilaj dhe Nazer Seitaj, pasi janë ?shtrydhur? nga Hajdarmataj dhe kolegë të tij italianë, kanë ?recituar? gjithë skemën e trafikimit të lëndëve narkotike.

A e kanë përmendur ata emrin e Saimir Tahirit si të implikuar në këtë rast?

Prokuroria italiane e cila ka kryer përgjimet, në të cilat u lakua edhe emri i Saimir Tahirit, ka kërkuar që t asgjë të mos dalë në publik rreth asaj çfarë është thënë në seancën e marrjes në pyetje për Tahirin.

CNA.al nga burime të saj mëson Prokuroria e Krimeve të Rënda, përkatësisht prokurorët e çështjes nuk kanë përfunduar ende punë me Katanian, pasi kanë ende dëshmi për të marrë.

Sipas Prokurorisë për Krime të Rënda, Moisi Habilaj ka patur marrëdhënie të ngushtë me ish-ministrin e Brendshëm, Saimir Tahiri, pasi ai është personi që ka marrë përsipër t?i rregullojë skafin, kur ky mjet iu prish gjatë pushimeve në Greqi.

Prokuroria ka afat deri në fund të muajit korrik për të hetuar këtë dosje, ndaj këto dy muaj do të jenë të vërtet të ?nxehta?, për Hajdarmatajn dhe kolegët e tij. /CNA.al