E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Shkarkimi i dyshimtë dhe misterioz i Hajdarmatajt/ Si gënjeu Arta Marku

9 Maj 2018, 15:32, Aktualitet CNA

Pak më parë në në njoftim zyrtar të dhënë nga Prokuroria e Përgjithshme u njoftua se Prokuroria e Krimeve të Rënda do të kishte një kryeprokuror të ri.

Në njoftimin për media, nuk u tha asgjë për shkarkimin e kryeprokurorit Besim Hjadarmataj, por Marku nënvizonte, se ndjekja penale e krimit dhe korrupsionit do të mbeteshin prioriteti i saj.

?Prokurorja e Përgjithshme Marku njofton emërimin e Znj. Donika Prela si kreu i Prokurorisë për Krime të Rënda. Kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të cështjeve me përparësi të lartë. Ndjekja penale e krimit dhe korrupsionit mbetet prioriteti më i lartë për Kryeprokuroren Marku?, thuhet në njoftimin e Prokurorisë së Përgjithshme.

Risjellim në vëmendje se Kryeprokurorja e përkohshme Arta Marku pati premtuar se nuk do të kishte asnjë largim nga Prokuroria e Krimeve të Rënda.

Në kohën që ajo u emërua në krye të Prokurorisë së Përgjithshme, në media u raportua për shkarkimin e Hajdarmatajt, por ishte vetë Marku që i hodhi poshtë zërat që qarkullonin për lëvizjen e kreut të Krimeve të Rënda.

Me 22.01.2018, kryeprokurorja Marku në takimin që pati me Hajdarmatajn, i dha mbështetje për hetime të mëtjeshme të çështjeve që kjo Prokurori kishte në duar.

Të paktën kështu u njoftua për shtyp, por siç duket ka gënjyer ose qëndron varianti tjetër se Marku komandohet nga politika.

Do të ishte e ndershme dhe do t? i shtoheshin pikë integritetit të saj, nëse ajo do të sqaronte shkarkimin e dyshimtë të Hajdarmatajt.

?Zonja Marku ia dha mbështetjen kreut të Prokurorisë së Krimeve të Rënda, Besim Hajdarmataj kur e priti në Prokurorinë e Përgjithshme paraditen e së hënës, 22 janar 2018. Prokurori i Përgjithshëm, znj.Arta Marku kërkon që Prokuroria e Krimeve të Rënda të vazhdojë pa hezitim dhe vendosmërisht punën dhe hetimet e filluara. Kryeprokurorja znj.Marku garantoi bashkëpunim për hetime të vazhdueshme të çështjeve nga Prokuroria e Krimeve të Rënda ndaj kujtdo që shkel ligjin. Prokuroria e Përgjithshme rithekson mbështetjen e nevojshme për çdo çështje, me çdo mjet dhe në çdo kohë, për të çuar përpara hetimet.

Prokuroria e Përgjithshme vë në dispozicion të Prokurorisë për Krimet e Rënda të gjitha burimet njerëzore dhe infrastrukturore për kryerjen me sukses të detyrave përputhshmërisht me ligjin?, thuhet në njoftimin për media të Prokurorisë së Përgjithshme./CNA.al