web counter
LEXO PA REKLAMA!

SHKARKO APP

App Store
Google Play

Deputeti biznesmen dhe qesharak i Lulit sulmon biznesin

2 Prill 2018, 14:28, Aktualitet CNA

Protesta e së shtunës në “Rrugën e Kombit”, nga qytetarë të Kukësit dhe zonave përreth, kundër vendosjes së tarifës, për këtë aks, ka sjellë dhe reagimin e deputetit të Partisë Demokratike, Agron Shehaj.

Në një postim në rrjetet seociale, Shehaj ka sulmuar një grup biznesmenësh, për indiferencën e tyre ndaj protestës, duke i cilësuar ata si “të hurit e të litarit”.

Ndërsa ka thënë se ata janë një grup biznesmenësh kapitalistë provincialë, Shehaj shkruan se në vend që të mbyllin gojën, bëhen bashkë me pushtetin kundër të varfërve.

Postimi i plotë:

Nje komplot i Kastës kundër Popullit.

U bënë te gjithë bashkë, me kuç e me maç, biznesmenët e mëdhenj u vunë sot në krah te Gjyqtarëve, Ministrave, Politikanëve të korruptuar.

Meskinët dhe servilët u bashkuan nën flamurin me sorrë të grabitjes kombëtare. Ky është Kapitalizëm parazit dhe provincial.

Nëpërmjet tij biznesmenët e tenderave, lejeve të ndërtimit, koncesioneve sulmojnë protestuesit.

Pothuajse asnjë prej tyre nuk prodhon një produkt apo një shërbim në treg të lirë dhe transparent. Këta kapitaliste, të hurit e të litarit, në vënd që të ulin kokën dhe të heshtin, bëhen me pushtetin kundër të varfërve.

Dihet pse: pronat që mbrojnë tani janë ato që kanë vjedhur dje me korrupsion, forcë dhe servilizëm politik! /CNA.al





Lajmet e fundit nga