web counter
LEXO PA REKLAMA!

SHKARKO APP

App Store
Google Play

PD përkujton masakrën e 2 prillit/ Basha akuza të forta Ramës

2 Prill 2018, 09:55, Aktualitet CNA

Nga Shkodra, ku ishte i pranishëm në ceremoninë përkujtimore për 27-vjetorin e masakrës së 2 prillit 1991, ku u vranë katër persona, kreu i PD, Lulzim Basha ka hedhur akuza të forta në drejtim të qeverisë Rama.

Sipas tij, Rama, Xhafaj dhe Ruçi po kthehen në identitet, të grabitja e popullit dhe aktet e dhunës kriminale. ?Rama, Xhafaj dhe Ruçi po kthehen në indentitet, kthehen te grabitja e popullit, te pashpirtësia, diskriminimi dhe urrejtja.?- u shpreh Basha.

Gjithashtu ai theksoi se ?kjo dëshmi është sot më aktuale se kurrë, Rama, Ruçi dhe pinjollët komunistë duan pushtetin me çdo kusht dhe çdo çmim, njësoj si para 27 vitesh, dhunojnë qyte e pasurohen për vete. Modeli i tyre është krimi dhe kriminelët?.

Nga memoriali i 4 Dëshmorëve të Demokracisë, Basha tha: ?Njesoj si etërit e tij politikë, Edi Rama e ndëshkon Shkodrës, sepse pushteti është për të shtypja dhe shfrytëzimi, arroganca, dhe paraja dhe luksi për të.

Këto ditë kam takuar e biseduar me qindra shkodranë e lezhjanë e mirditorë dhe ju them se me ju është e gjithë Shqipëria dhe nuk ka rrugë tjetër përveç përballjes me të keqen.

Kukësi u përball dhe e ndali të keqen dhe sëbashku me Kukësin ne do ta ndalim atë. Le të jetë kjo nisja e pranverës së madhe që po vjen. Të shkëpusim njëherë e mirë lidhjet e krimit me politikën.

Një PD e çliruar nga korrupsioni dhe oligarkët ka vetëm një interes, interesin e shkodranëve, interesin e shqiptarëve. Zotohem në këtë altar të demokracisë se gjithçka që kemi denoncuar deri më sot nuk do ta falim: askënd!! Që nga kryeministri deri tek punonjësi më i thjeshtë të japin llogari për dhunimet që i kanë bërë ligjit.”





Lajmet e fundit nga