web counter
LEXO PA REKLAMA!

SHKARKO APP

App Store
Google Play

E fundit!

x

Rama mbledh Këshillin Ekonomik Kombëtar / Ka një mesazh për biznesin

26 Tetor 2017, 16:00, Aktualitet CNA

Kryeministri Rama ka mbledhur për herë të parë që nga krijimi i qeverisë Rama 2, Këshillin Ekonomik Kombëtar.

Në fjalën e tij, Rama u shpreh se do të përmirësojë komunikimin me të gjithë sipërmarrësit dhe se qeveria do të jetë si avokate e saj, me anë të Ministrisë së Shtetit.

“Dua të nënvizoj se jemi të prirur të përmirësojmë komunikimin me sektorët e tregut. Ndërveprimi mes nesh mund të jetë më efektiv dhe efikas. Jemi këtu për të mbrojtur botën e sipërmarrjes, për të qenë avokatë të saj, për të vënë në lëvizje përmes Ministrisë së Shtetit, ministrin përkatës për çdo lloj problemi. Kemi trajtuar 49 raste komunikimi të drejtëpërdrejtë të një sipërmarrje me qeverinë, disa janë zgjidhur disa janë në proces”, – u shpreh Rama.

Ai vuri theksin tek trajtimi në mënyrë dinjitoze i të gjithë kompanive dhe zgjidhjen e problemeve të tyre.

“Asnjë kompani s?duhet të trajtohet në mënyrë jo dinjitoze. Ne do bëjmë maksimumin që problemet të zgjidhen. Apeli im për sipërmarrësit, i vogël a i madh qoftë, është që të na vënë në provë, të përdorin avokatin e tyre në qeveri që është ministrja e shtetit për sipërmarrjen. Duhet të zgjedhin bashkëpunimin me ministren e shtetit dhe qeverinë. Edhe në rastet kur gjenden në pozitë të vështirë, pasi për shkak të kontrolleve identifikohen shkelje, nuk duhet të pranojnë asnjë arbitraritet nga e drejta e tyre,? – tha Rama. /CityNews





Lajmet e fundit nga