E fundit!

22:29 Kronika

Aksident në Bypassin e Fierit/ Raportohet për të lënduar

Një aksident ka ndodhur në Bypassin e Fierit. Mediat ...

Kryeministri i drejtësisë ka vdekur

23 Tetor 2017, 13:14, Aktualitet CNA

Elvi FUNDO *

– Pak më shumë se një vit më parë në media degjonim 24 orë në ditë Kryeministrin që artikulonte: “opozita nuk e do reformën në drejtësi. Opozita po e bllokon”. Aq shpesh dhe aq shumë u përdor Reforma në Drejtësi dhe Vettingu sa thua se shqiptarët do hanin bukë me lugë floriri sapo të miratohej reforma. Edi Rama do ishte kryeministri i drejtësisë.

Opozita bëri qëndresën e saj, ndoshta e tepëroi diku, por, më në fund, votoi reformën, duke theksuar se ligjet e mëtejshme nuk ishin përgatitur dhe Rama po bënte gjithçka për të kapur drejtësinë.

Në atë kohë në krah të kryeministrit ishte edhe LSI që sot është kundërshtarja më e ashpër e Edi Ramës, më e ashpër edhe se vetë Basha.

Skandali i fundit i përgjimeve të bandës së Habilajve nga italianët, risolli në vë bnmendje dhe vuri në provë reformën. Por palët sërish filluan akuzat. Kryeministri i reformës në drejtësi, akuzoi prokurorët për përdorim politik. Prokuroria kërkoi arrëstimin e Saimir Tahirit, por Rama dhe PS nuk e lejojnë sepse mendojnë që prokurorët Tropojanë urdhërohen nga Sali Berisha. Mos vallë duhej që prokurorët e çështjes të ishin nga Tepelena apo Vunoi, për këtë u bë reforma për origjinën e prokurorëve? Gjithsesi edhe atyre do u gjendej lidhja me PD-në.

Por përtej akuzave politike ndaj prokurorëve Edi Rama, kishte në dorë të jepte shembullin e parë në politikë se reforma do zbatohej dhe palët do ishin në krah të drejtësisë. Në rast se akuzat ishin të montuara dhe keq përdorura, instrumenta dhe hapësira të tjera ligjore mund të çonin pas prangave treshen e prokurorëve që po abuzonin me detyrën. Në rast se reforma nuk i ka këto instrumenta ligjorë, merreni dhe hidheni në kosh të plehrave, pasi nuk do kishte asnjë vlerë pa pasur kontrroll të rreptë mbi vëndimet dhe kërkesat e prokurorëve.

Në dy kohë

Rama nuk e dha shembullin ashtu sic nuk e dha dje Berisha kur mbrojti Lulzim Bashën, për më tëpër ata që kanë memorie politike në PD ose gazetarët le të kujtojnë deklaratat e Spartak Ngjelës, në mbrojtje të Lulzim Bashës, kur thoshte se “Rruga e Kombit” ishte investim stategjik dhe vendim politik i qeverisë dhe, si i tillë, duhet të mbrohet politikisht.

Mbrojta u bë, drejtësi nuk pati, Basha e kaloi pa asnjë pasojë, për më tepër po drejton opozitën përballë Ramës, drejtim i mefshtë me retorikë boshe, papagallizëm i lodhshëm, përballë neverisë që vjen nga qëndrimet e kryeministrit.

Ilir Meta u kap me bllok në dorë, u denoncua në “Fiks Fare”, filmimi u quajt montim, në fund nuk ekzistonte, të gjithë e panë me zë e figure. Ilir Meta shkoi përballë drejtësisë u mbrojt nga disa ekspertë që më pas i bëri drejtorë. Doli i pafajshëm, sot është President. Drejtësi nuk ka.

Saimir Tahiri minimalisht nuk duhet të kishte imunitet. Ashtu si Lulzim Basha apo Ilir Meta dje, ai duhet të përballet me drejtësinë, jo sipas oreksit politik, por në zbatim të një reformë që politika për 2 vite çmendi çdo shqiptar dhe tani po na tregon se nuk ka asnjë vlerë.

Edi Rama kishte shansin të ishte kryeministri i drejtësisë, duke lejuar të funksionojë çdo instrument ligjor i asaj reforme që trumbetoi. Pasi të përfundonte procesi do kishte jo 2 por 3 anë të medaljes në duar. Ish-Ministrin e tij me vendim drejtësie, i pafajshëm fitore e Tahirit, fajtor humbje politike e Ramës pasi duhet të merrte kostot.

Së dyti reformën si sukses, në rast se procesi do ishte i hapur dhe transparent, jo si në rasti Basha apo Meta dhe siç po ndodh tani me Tahirin.

Së treti kishte çdo të drejtë të denonconte në prokurori dhe të kërkonte publikisht llogari bashkë më qytetarët për çdo aferë të qeverisë së djeshme Berisha apo Rama-Meta, kështu do kishim më në fund kryeministrin e drejtësisë.

Në fakt prej disa ditësh kemi Kryeministrin që kërkon të vërtetën, pa pritur fjalën e drejtësisë, por kursesi Edi Rama pa drejtësinë e lejuar dhe respektuar deri në fund nuk mund të gjejë të vërtetën. Thjesht do kemi një të vërtetë që i pëlqen atij, vdekjen e reformës, apo turpin e saj në rast se po përdoret politikisht nga çdo palë në politikë.

Në fakt askush nuk e beson se gjykatësit sot kanë më shumë frikë PD-në, Lulin, Metën, LSI-në apo Berishën sesa Ramën. Një opozitë e vogël e rrudhur me një tufë të paaftësh në parlament nuk mund të jetë e frikshme përpara drejtësisë, kjo për pjesën e PD, ajo e LSI është çeta që duhet të ishte pas hekurave sa e sa kohë përpara skandalit të Tahirit. Përballë tyre është edhe kryeministri i cili me kazmë në dorë po sakaton atë reformë që e ?kërkoi? dhe aq shumë akuzoi opozitën, tani e refuzon dhe kërkon të vërtetën e tij dhe jo atë të drejtësisë. Kryeministri i drejtësisë ka vdekur./*Shkruar për Citynews.al