web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet studimi mbi "Personat që nuk dëgjojnë në Shqipëri"/ Kospiri: Të realizohen rekomandimet e tij

10 Nëntor 2016, 14:45, Aktualitet CNA

Ministria e Mirëqënies Sociale dhe Rinisë dhe INSTAT publikuan sot studimin mbi “Personat që nuk dëgjojnë në Shqipëri”.

Ky studim realizohet për herë të parë në vendin tonë dhe vjen si detyrë nga OKB sa i përket mbrojtjes së të drejtave të personave me aftësi të kufizuara.

Në fjalën e saj, zv/ministrja Bardhylka Kospiri u shpreh se, “kjo ditë sot ku do të njihen të gjithë pjesëmarrësit me rezultatet dhe rekomandimet e ketij studimi padiskutim që do të jetë vetëm fillimi I një procesi edhe me konkret për të ndikuar në process integrues për persona me probleme te dëgjimit ne Shqipëri dhe shpresoj se të gjithë aktoret që kanë lidhje të drejtpërdrejtë do të vihen në pozita edhe me të medha pune per te realizuar rekomandimet e ketij studimi”.

Fjala e Zv. ministres Bardhylka Kospiri:

Të nderuar pjesëmarrës, të nderuar përfaqësues të personave me probleme të dëgjimit është kënaqësi e vecantë të jem sot këtu në një prezantim të një studimi shumë të vecantë, studim që realizohet për herë të parë në Shqipëri sepse lidhet drejtpërsedrejti me angazhimin e shumë aktorëve, më e rëndësishmja me aktorët që janë dhe fitues të rezultatit të ketij studimi me persona të drejtpërdrejtë me probleme të dëgjimit.

Ky studim vjen si domosdoshmëri në kushtet e zbatimit të Organizatës së Kombeve të Bashkuara për mbrojtjen e të drejtave të personave me aftësi të kufizuar  e cila u ratifikua nga shteti shqiptar në shkurt të vitit 2013. Në kuadër të ratifikimit të kësaj konvente qeveria shqiptare filloi të ndërmerrte masa të menjëhershme për përmirësimet e nevojshme ligjore që afektojnë personat me aftësi të kufizuar në Shqipëri. Një qasje të re ligjore solli miratimi I Ligjit në korrik të vitit 2014 ?Për përfshirjen dhe aksesshueshmërinë e personave me aftësi të kufizuar? nga parlamenti shqiptar I cili hapi rrugë hartimit të shumë akteve ligjore që do të ndikonin në përmirësimin e statusit të personave me aftësi tëv kufizuar.

Ministria e Mirëqenies Sociale dhe Rinisë në mars të vitit 2014 vendosi ngritjen dhe funksionimin e grupit ndërinstitucional të punës I cili punoi për njohjen dhe zyrtarizimin e gjuhës shqipe të shenjave dhe finalizoi punen e tij me miratimin e VKM Nr. 837 datë 03.12.2014 ? Për njohjen  e gjuhëve të shenjave në Republikën e Shqipërisë?. Ky proces bëri shumë evident edhe nevojen për të patur një pasqyrë të qartë jo vetëm të numrit të personave që nuk degjojnë në Shqipëri por situatës së tyre sociale ekonomike, statusit arsimor por dhe aksesit të shërbimeve publike . Inisiativa e Ministrisë së Mirëqenies Sociale dhe Rinisë së bashku me Shoqatën Kombëtare të Personave që nuk dëgjojnë dhe Shoqatën Finlandeze të Personave që nuk dëgjojnë ishte për të kryer nje vrojtim të të dedikuar në bashkëpunim me Institutin Kombëtar të Statistikave në Shqipëri.

Duke qënë se deri më sot nuk ka pasur asnje informacion cilësor në lidhje me situatën e personave që nuk dëgjojnë në Shqipëri. Qëllimi I këtij vrojtimi është mbledhja e informacionit  mbi personat e rritur që nuk dëgjojnë si dhe mundësitë e tyre për bashkveprim ne jetën  e përditshme, qasjen e tyre ndaj informacionit, edukimit dhe punësimit në funksion te neneve dhe parimeve kryesore te Konventës Ndërkombëtare lidhur me personat që nuk dëgjojnë dhe gjuhen e shenjave. Ky studim vjen njëkohësisht si vlerë e shtuar në funksion te monitorimit të Planit Kombëtar të Veprimit për Personat me Aftësi të Kufizuar. Rezultatet e këtij studimi do të ndihmojnë gjithashtu në zbatimin e politikave në sektor të ndryshëm të cilat do të kenë ndikim ne jetën e personave që nuk dëgjojnë.

Në përfundim dëshiroj të bëj një falenderimtë vecantë për të gjithë aktorët që morën pjesë në këtë proces e që mundësuan realizimin me sukses të këtij studimi. Do doja të theksoja gjithashtu që kjo dite sot ku do të njihen të gjithë pjesëmarrësit me rezultatet dhe rekomandimet e ketij studimi padiskutim që do të jetë vetëm fillimi I një procesi edhe me konkret për të ndikuar në process integrues për persona me probleme te dëgjimit ne Shqipëri dhe shpresoj se të gjithë aktoret që kanë lidhje të drejtpërdrejtë do të vihen në pozita edhe me të medha pune per te realizuar rekomandimet e ketij studimi. /Citynews





Lajmet e fundit nga