E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënua këtë të enjte në Lozhan të Ma...

Diaspora në mëshirën e fatit/ Samiti një mundësi për të reaguar dhe reflektuar

10 Nëntor 2016, 11:42, Aktualitet CNA

Nga Eduart Ndocaj – Ka tre ditë që kam bërë një udhëtim impenjues, të bukur, të nevojshëm e mjaft interesant. Fillimisht jam takuar me komunitetin shqiptar në Lugano. Ky është një komunitet i konsiderueshëm. Mbizotërojnë ata të ardhur nga Kosova. Megjithatë, me rritjen e krizës ekonomike në Itali dhe për shkak se distanca nga Milano me Luganon nuk është më shumë se një orë, kohët e fundit ka pasur një rritje të emigrantëve shqiptarë që kanë kaluar ka Milano në Lugano. Këta janë kryesisht nga Mirdita.

Komuniteti shqiptar i Luganos është i konsoliduar në vite dhe janë plotësisht të integruar. Ata, krenohen me praninë e Pacollit, i cili ka një respekt dhe një reputacion të madh në zonë. Madje, shumicën e mirë të shqiptarëve i kanë punësuar në aktivitetet e tij duke përfshirë edhe stafin e hotelit të tij ?Swiss Diamond?. Kalova në Austri dhe këtu komuniteti shqiptar është shumë minorancë. Ata pak që janë, janë kryesisht profesionist, intelektual e studentë duke përfshirë edhe Nanon, i cili tashmë është një rezident i rregullt i Austrisë. Ndalesën tjetër e bëra në Frankfurt dhe në zonat për rreth. Këtu kemi komunitetin shqiptar nga Kosova, që ka më shumë se 30 vjet që është integruar plotësisht dhe po ashtu kemi komunitetin emergjentë shqiptar. Ky i fundit është i mbushur me azilantë për arsye ekonomike, azilantë për arsye gjakmarrje si dhe shqiptar që janë larguar nga Greqia e dhe Italia për shkak të krizës që i ka përfshirë këto vende. Vura re dy gjëra. Komuniteti i shqiptarëve të Shqipërisë është në mëshirën e fatit. Asnjë konsull nuk i ka takuar asnjëherë, asnjë ambasador, asnjë ministër i Jashtëm apo Kryeministër.

Është absurde, por e vërtetë. Kishte një shkollë shqipe për fëmijët nga Kosova. Shkolla ishte bashkë me mësuesin ishte e paguar nga Gjermania e librat ishin të ofruar nga Ministria e Kosovës. Ndërsa fëmijët shqiptarë nga Shqipëria nuk kishin asnjë lloj libri apo ndihmese nga Ministria e Arsimit e Republikës së Shqipërisë. Po ashtu të gjithë shqiptarët që kishin ardhur për azil ishin totalisht në mëshirën e institucioneve të Gjermanisë dhe ndjenin një braktisje të plotë të institucioneve të shtetit shqiptar duke përfshirë këtu edhe zyrat diplomatike. Ndalesa e radhës ishte në Munyh, ku Komuniteti shqiptar është në rritje i integruar mirë. A kishte braktisje këtu nga institucionet e diplomacisë shqiptare? Më thanë se Kryeministri Rama, për lidhje të caktuara personale e familjare e vizitonte shpesh Munihun, por thuajse asnjëherë nuk kishte bërë takime me komunitetin shqiptar. Ndërsa, Bushatin nuk ja dinin as emrin e as fytyrën.

Gjatë vizitës time tre ditore, takova shumë shqiptarë, bisedova me ta për problematikat e emigracionit e po ashtu edhe në lidhje me iniciativën time politik për përfaqësim politik dhe për ushtrimin e të drejtës së votës. Prej emigrantëve mora mbështetje të plotë dhe kemi rëndë dakord për të ndërmarr hapa të tjerë të rëndësishëm. Disa e dinin ekzistencën e një samiti Diaspore në Tiranë, por shumë prej tyre edhe pse me kontribute të rëndësishme nuk kishin siguruar ftesat. Mendoj, se evenimenti I Samitit është mjaft I rëndësishëm dhe është një moment që emigrantët duhet të ngrejë zërin kundrejt Ministrit të Jashtëm, neglizhencës së tij, kundër degjenerimit të shërbimit diplomatik shqiptar e po ashtu duhet të insistoj dhe të kërkojnë me këmbëngulje Ushtrimin e të Drejtës së Votës së Emigrantëve. Po ashtu, sa nuk është vonë, ky Samit duhet të konsiderohet si një moment reflektimi për Ministrin e Jashtëm, për ambasadorët, konsujt dhe institucionet e Shtetit. /Citynews