web counter
LEXO PA REKLAMA!

SHKARKO APP

App Store
Google Play

Ben Blushi fitues i referendumit të PS

10 Prill 2016, 08:45, Aktualitet CNA

Referendumi i zhvilluar në Partinë Socialiste dje ka nxjerrë një dhe vetëm një fitues. Megjithëse në Partinë Socialiste ai ende nuk shihet dhe kërkohet të anashkalohet.

Ben Blushi është fitues i garës në Partinë Socialiste. Po e quajmë garë për disa arsye. Mjaftuan disa shkrime dhe shpallja e një kandidature që Partia Socialiste më në fund të mblidhte Kongresin.

U detyruan të shpikin një referendum, i cili dje në fakt rezultoi të ishte fitorja e Ben Blushit. Ishte fitore për Blushin sepse në Kongres Edi Rama tha se PS ka 150 mijë anëtarë dhe me pjesëmarrjen e djeshme, qoftë me përqindjet e deklaruara zyrtarisht nga PS rezulton të kenë votuar rreth 70 mijë vetë dhe ka shumë qytetet ku vota ?JO? shkon në 7, 8 apo 9 %. Duke llogaritur këtë votë dhe listat e anëtarësisë të deklaruara nga zoti Rama, rezulton që referendumi të mos jetë votuar nga 50+1 e anëtarësisë. Fakt që e rrëzon poshtë këtë referendum dhe e quan të pavlerë. Po ti shtojmë dhe votat kundër rezulton që në mënyrë masive anëtarësia, të ketë kërkuar një garë të vërtetë dhe zgjedhje në Partinë Socialiste.

Duke analizuar shifrat del se kryetari socialist, Edi Rama, me gjithë manovrat e tij të shpikura nga frika e një gare të vërtetë, edhe pse kryeministri i vendit rezulton të jetë në minorancë. Përgjigjen e dhanë vetë socialistët e bazës, të cilët me ato pak vota ?Jo? dhe me aq shumë bojkot zbuluan se fituesi i garës ishte vërtetë Ben Blushi. Fitues sepse i vetëm mundi të ketë mazhorancën e socialistëve nga pas, sepse i vetëm, pa komisionerë dhe pa mbështetje e coi në minorancë kreun socialist. Me vetë shifrat e dhëna nga Edi Rama, Ben Blushi ka nga pas, me një referendum të manipuluar, të paktën 10 mijë anëtarë të Partisë Socialiste. Ka nga pas shumicën e socialistëve të braktisur dhe zhgënjyer, të cilët fatkeqësisht janë marrë peng nga ?Rilindja?.

Ben Blushi ishte fituesi i vërtetë i referendumit të Partisë Socialiste./citynews





Lajmet e fundit nga