E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Komisioni i Ligjeve rrëzon qeverinë për pronat

28 Maj 2015, 06:14, Sociale CNA

Ligji për investimet strategjike ka krijuar një ngërç dhe përplasje mes komisioneve parlamentare dhe qeverisë. Ai është diskutuar dje në Komisionin e Ekonomisë, por ndryshimet e bëra në Komisionin e Ligjeve kanë sjellë dje përplasje mes dy komisioneve dhe qeverisë. Deputetët e Komisionit të Ligjeve, pak ditë më parë, ndryshuan nenin kryesor të draftit, që është neni 26, duke kufizuar fushat për investime strategjike. Duke qenë se dhe në këtë ligj parashikohen shpronësime të qytetarëve, komisioni ka konstatuar se ai është në përplasje me ligjet aktuale në fuqi. Sipas relacionit të Komisionit të Ligjeve, ligji i qeverisë bie ndesh me ligjin për investimet e huaja dhe ligjin për privatizimet, të cilët përcaktojnë investitorët strategjikë, si dhe me legjislacionin për licencimin i cili parashikon procedura dhe afate të veçanta për licencimin në sektorë të veçantë.

Drafti i qeverisë përcakton se investimet strategjike janë investimet private, publike ose publike-private në sektorët e energjisë dhe minierave, transportit, telekomunikacionit, infrastrukturës dhe mbetjeve urbane, turizmit, bujqësisë dhe peshkimit, zonave ekonomike. Por me ndryshimet që deputetët e Komisionit të Ligjeve kanë bërë, ata kanë rrëzuar 4 prej këtyre sektorëve, konkretisht: Bujqësinë, menaxhimin e mbetjeve, zonat ekonomike dhe turizmin. Deputetët në nenin 26 janë shprehur se procesi i shpronësimit duhet të bëhet në bazë të legjislacionit aktual .

Debate në komision

Ndryshimet e propozuara nga Komisioni i Ligjeve shkaktuan debate dje në Komisionin e Ekonomisë, pasi edhe deputetët e këtij komisioni konstatuan përplasje me legjislacionin aktual. ?Praktikisht ky propozim e rrëzon projektligjin. Propozimi i ardhur nga Komisioni i Ligjeve rrëzon projektligjin, pasi rrëzon një pjesë të atyre fushave ku përfshihen investimet. Praktikisht rrëzohet ligji?, deklaroi kreu i komisionit, Erion Braçe. Edhe deputeti demokrat, Ridvan Bode, deklaroi se ky ligj ka probleme, duke thënë se anashkalon ligjin e shpronësimeve. Ai ka kritikuar qeverinë për cilësinë e ligjeve. ?Kjo është gjëja më e pamundur që mund t?u vejë mendja.

Unë nuk e di se si mundet një ministri të mendojë që me një ligj të një fushe tjetër të prekë ligjin specifik të fushës që është ligj i shpronësimeve publike. Tejkalon fushat që parashikon ligjit. Ky është ligji i investimeve strategjike, kurse ligji organik është ai që përcakton sipas parashikimeve të fushës se kush konsiderohet ligj publik. Si mund të anashkalohet. Po ai individi që preket shkon në gjykatë dhe me atë ligj ja u hedh në herë. Si mund t?i bëni ligjet me kundërthënie, një ligj i nivelit më të ulët të kalojë një me hierarki më të lartë. Ju i fusni vetë ligjet në kundërvënie me njëri-tjetrin?, deklaroi Bode.

I pranishëm në komision ishte zëvendësministri i Ekonomisë, Ervin Mete, i cili kërkoi që të mos ndryshohet varianti i qeverisë. ?Ne besojmë që duhet të jetë në variantin që jemi paraqitur i cili i referohet legjislacionit të shpronësimeve në të gjithë procedurat dhe metodologjinë?, tha ai. Komisioni i Ekonomisë miratoi draftin, por vendosi që në seancën e sotme plenare t?i paraqesë të dyja propozimet, atë të qeverisë dhe të Komisionit të Ligjeve dhe do të jenë deputetët ata që do të vendosin se kush duhet të miratohet.