web counter
LEXO PA REKLAMA!

SHKARKO APP

App Store
Google Play

E fundit!

x

"WhatsApp" do të lejojë përdoruesit të modifikojnë mesazhet brenda 15 minutave

23 Maj 2023, 08:02, Tech CNA
"WhatsApp" do të lejojë përdoruesit të
Foto ilustruese

"WhatsApp" do t'i lejojë përdoruesit të modifikojnë mesazhet, një lëvizje kjo që përputhet me rrjetet e tjera sociale si "Telegram" dhe "Signal".

Kompania thotë se mesazhet mund të modifikohen deri në 15 minuta pas dërgimit.

Shërbimi i mesazheve të çastit është pjesë e gjigantit amerikan të teknologjisë "Meta", i cili zotëron gjithashtu "Facebook" dhe "Instagram".

Ky funksion do të vihet në dispozicion për 2 miliardë përdorues të "WhatsApp" në javët e ardhshme. Ky ndryshim përfshin edhe Indinë si tregun e saj më të madh, me 487 milionë përdorues.

Mesazhet e modifikuara do të etiketohen si "të redaktuara", kështu që marrësit janë të vetëdijshëm se përmbajtja është ndryshuar.

Megjithatë, atyre nuk do të tregohet se si mesazhi është modifikuar.

Njoftimi i "WhatsApp"-it erdhi pasi funksioni u ofrua nga shërbimet e mesazheve "Telegram" dhe "Signal".

Funksioni i redaktimit u prezantua nga platforma e mediave sociale "Facebook" pothuajse një dekadë më parë.

Në "Facebook", përditësimet që modifikohen shënohen si të modifikuara. Një histori e modifikimeve është gjithashtu e disponueshme për përdoruesit.

Vitin e kaluar, platforma e mediave sociale e Elon Musk, "Twitter" tha se po u jepte abonentëve të saj që të paguajnë për të redaktuar "tweet"-et e tyre.

"Tweet"-et mund të modifikohen disa herë në 30 minuta pas postimit./ CNA.al





Lajmet e fundit nga