web counter
LEXO PA REKLAMA!

SHKARKO APP

App Store
Google Play

Brazili ndalon aplikacionin "Telegram"/ Kërkon të dhëna për anëtarët e grupeve naziste 

27 Prill 2023, 11:38, Tech CNA

Brazili ndalon aplikacionin "Telegram"/ Kërkon të dhëna

Me vendim të Gjykatës së Lartë Federale, platforma "Telegram" u ndalua në Brazil. 

Çështja lidhet me një mosmarrëveshje në lidhje me grupet naziste aktive në "Telegram", për të cilët policia federale beson se janë përgjegjës për dhunën që po ushtrohet në shkolla.

Autoritetet braziliane kanë ngritur shqetësimin se "Telegram" lejon përdoruesit të fshehin të dhënat e tyre.

Sipas Ministrit të Drejtësisë të Brazilit, Flavio Dino, "Telegram" është gjobitur me rreth 200 mijë dollarë në ditë derisa të pezullojë të dhënat.

Ekzistojnë dy grupe që veprojnë në "Telegram", me emrat "Fronti Antisemitik" dhe "Lëvizja Antisemite", të cilat pretendohet se janë arsyeja pse po ushtrohet dhunë ndaj fëmijëve në Brazil.

Në muajt e fundit, ka pasur një rritje të dhunës në shkolla në Brazil. 

Si rezultat, autoritetet braziliane po kërkojnë nga "Telegram" informacione për anëtarët e këtyre grupeve antisemite. Në vend të kësaj, kjo kompani ka dorëzuar vetëm të dhëna për administratorin, të cilat drejtësia i ka vlerësuar si “qëllim i "Telegram"-it për të mos bashkëpunuar me hetimin”.

Ndërkohë, qeveria ka nxjerrë urdhra për të kufizuar fjalimin dhe sjelljen e grupeve të tilla dhe bllokimin e  "Telegram"-it.

Gjithashtu, vlerësohet se vendimi për ndalimin e "Telegram"-it është një goditje e madhe për ish-presidentin Jair Bolsonaro, i cili shpreson në një mandat të ri dhe ka më shumë se 2.5 milionë ndjekës në këtë rrjet social. Ai iu drejtua "Telegram"-it sepse rrjetet e tjera sociale fshinin rregullisht postimet e tij.





Lajmet e fundit nga