LEXO PA REKLAMA!

SHKARKO APP

Alarmi për përdoruesit e smartphone-ëve/ Si të kemi kujdes nga klonimet e zërit

19 Mars 2024, 22:00, Tech CNA
Alarmi për përdoruesit e smartphone-ëve/ Si të kemi kujdes
Foto ilustruese

Pronarët e smartphone-ëve janë paralajmëruar për një valë të re thirrjesh mashtruese që përdorin Inteligjencën Artificiale për të imituar zërat e njohur. Kriminelët kibernetikë po përdorin Inteligjencën Artificiale për të mashtruar viktimat dhe për të zbuluar informacione personale, sipas një postimi të fundit në blog nga Keeper Security.

Teknologjia e klonimit, e njohur si "deepfakes", mund të përsëritë zërat e miqve, familjes dhe madje edhe përfaqësuesve të shërbimit ndaj klientit.

SI FUNKSIONON MARRJA ME ZË NGA INTELIGJENCA ARTIFICIALE?

Mashtrimet e zërit nga Inteligjenca Artificiale mbështeten në një proces me dy hapa, klonimi i zërit dhe inxhinieria sociale (akti i manipulimit të një personi ose një grupi të caktuar personash).

Së pari, mashtruesit marrin një mostër të zërit të personit, i cili mund të jetë objektivi i tyre. Kjo mund të bëhet me mjete të ndryshme, si regjistrimi i një bisede telefonike, nxjerrja e audios nga postimet e mediave sociale, apo sintetizimi i të folurit nga mesazhet me tekst.

Pastaj, përdorin teknologjinë e klonimit të zërit nga Inteligjenca Artificiale për të krijuar një kopje pothuajse perfekte duke analizuar lartësinë e zërit, dhe përkuljet emocionale. Pasi zëri klonohet, ata fillojnë sulmin e inxhinierisë sociale duke thirrur objektivin dhe përdorur zërin e klonuar për të krijuar besim dhe raport.

Në disa raste, mashtruesit mund të përpiqen të përfitojnë duke pretenduar se janë anëtarë të familjes në një situatë të vështirë financiare dhe kanë nevojë për ndihmë emergjente.

Një metodë që ata zgjedhin për të mashtuar kryesisht moshën e tretë është sajimi i situatave, duke pretenduar kështu se këta persona mund të jenë nipërit e tyre teksa ata po përballen me arrestimin dhe kërkojnë para për lirimin me kusht.

SI TË QËNDROJMË TË SIGURT

Ndërsa mashtrimet me zë të Inteligjencës Artificiale paraqesin një kërcënim të sofistikuar, ka hapa që mund të ndërmerrni për të mbrojtur veten. Fillimisht, duhet të jeni të kujdesshëm ndaj thirrjeve të papritura, pasi mashtruesit shpesh shfrytëzojnë elementin e befasisë.

Nëse merrni një telefonatë nga një numër i panjohur ose një numër i njohur me një histori të pazakontë, vazhdoni me kujdes dhe mos supozoni automatikisht se është legjitime.

Kur merrni thirrje nga dikush që pretendon të jetë nga një kompani ose organizatë, mbyllni telefonin dhe telefonojini në një numër që e dini se është legjitim, duke mos u mbështetur vetëm në ID-në (mjet identifikimi) e telefonuesit, pasi ajo mund të jetë mashtruese.

Mashtruesit ndonjëherë mund të mbledhin mostra zëri nga postimet e mediave sociale, kështu që kini kujdes për atë që ndani në internet dhe ruani informacionin personal me kujdes./CNA 

22:23 Tech

Ku shkuan reklamat?

Rrjeti social Facebook ndjek sjelljen e përdoruesve në një...

Lajmet e fundit nga