LEXO PA REKLAMA!

SHKARKO APP

Telashe për Ronaldon, i përplasin makinën luksoze me vlerë prej 1.7 milionë paundësh

20 Qershor 2022, 19:56, Sport CNA
Telashe për Ronaldon, i përplasin makinën luksoze me vlerë

Kristiano Ronaldo ka pësuar një dëm të madh, teksa është duke shijuar pushimet në Majorka pas sezonit të gjatë me Mançester Junajtidin. Një prej makinave luksoze të yllit luzitan, saktësisht një "Bugatti Veyron" me vlerë prej 1.7 milionë paundësh është aksidentuar nga një prej punonjësve të Ronaldos.

"Bugatti" së bashku me një "Mercedes Benz G-Class" u transferuan në Spanjë për t’u përdorur nga 37-vjeçari gjatë pushimeve, por tashmë "Bugatti" duket se ka dalë jashtë funksioni. Makina luksoze në fakt nuk është përplasur nga vetë Ronaldo, por nga një punonjës i portugezit, të cilit me siguri i ka dalë nga kontrolli shpejtësia që zotëron një veturë si "Bugatti".

Ndërkohë, incidenti është marrë në konsideratë edhe nga ana e policisë, gjithsesi ende nuk ka një sqarim zyrtar nga ana e autoriteteve.

Lajmet e fundit nga