web counter
LEXO PA REKLAMA!

SHKARKO APP

App Store
Google Play

E fundit!

x

Spanjë-Francë/ Deschamps nuk shqetësohet nga kritikat, De la Fuente: Forca e Spanjës është grupi

9 Korrik 2024, 12:40, Sport CNA

Spanjë-Francë/ Deschamps nuk shqetësohet nga kritikat, De la

Spanja vjen si një nga favoritet absolute për të fituar Europianin, por para finales së madhe kanë një pengesë përpara. Iberikët përballen me Francën, në një sfidë ku dy ekipet duan me çdo kusht fitoren, për të kaluar më tej.

Në konferencën për shtyp para ndeshjes, trajneri i Spanjës, Luis de la Fuente, pranoi vështirësitë, duke thënë se përballë kanë një skuadër cilësore dhe të fortë. Megjithatë, ai u shfaq besimplotë për një rezultat pozitiv, pavarësisht mungesave.

"Franca ka potencial të jashtëzakonshëm dhe kjo është e dukshme. Ata kanë një skuadër cilësore, të mbushur me emra të rëndësishëm dhe për këtë unë pres një ndeshje shumë të fortë, të luftuar. Unë nuk dua të bëjë presion ndaj kundërshtarit, por Franca është skuadra që ka bërë paraqitjet më të mira në këtë Europian, të paktën këtë përshtypje më kanë lënë mua. Mbappe është i paparashikueshëm, nuk zhduket kurrë. Ai është një lojtar i jashtëzakonshëm. Kemi një skuadër shumë të mirë, kemi punuar shumë këto ditë dhe jemi gati për këtë ndeshje. Yamal duhet të vazhdojë të jetë vetvetja dhe të vazhdojë të mësojë. Kemi edhe lojtarë të tjerë që në këtë Europian kanë spikatur duke surprizuar shumë, por jo ne sepse të gjithë që janë këtu ne i njohim prej kohësh. Kemi disa mungesa, por kemi një skuadër shumë të bashkuar dhe forca jonë është grupi.", deklaroi trajneri i Spanjës.

Në krahun tjetër, edhe trajneri i Francës, Didier Deschamps, vlerësoi maksimalisht kundërshtarin, duke thënë se mesfusha është arma e tyre e fortë. Por, ashtu si De la Fuente, edhe tekniku i "gjelave", ka besim se ekipi i tij do të arrijë finalen e madhe.

"Spanja është skuadra që ka impresionuar më së shumti në këtë turne dhe duhet t’ua njohim këtë meritë. Në fakt edhe klubet spanjolle shquhen për kontrollin e topit. Mesfusha është arma më e fortë e Spanjës. Nëse ndeshjet tona nuk ju pëlqejnë, atëherë mund të shihni ndeshje të tjera. Ky është një kompeticion i veçantë, shumë i vështirë për të gjithë. E vërtetë që kemi shënuar më pak gola, por kemi bërë ndeshje të mira dhe u kemi dhuruar emocione francezëve me rezultatet e arritura. Mbape do të jetë në formën më të mirë ndaj Spanjës. Ka vuajtur një problem në shpinë dhe më pas erdhi ai dëmtim në hundë, që e detyron të luajë me maskë. Megjithatë tani është mësuar edhe me maskën", u shpreh Deschamps. 

Ndeshja mes Spanjës dhe Francës është planifikuar të luhet mbrëmjen e kësaj të marte, duke nisur nga ora 21:00.





Lajmet e fundit nga