web counter
LEXO PA REKLAMA!

SHKARKO APP

App Store
Google Play

Merkato te Skënderbeu, korçarët bëjnë katër afrimet e para

8 Korrik 2024, 11:48, Sport CNA

Merkato te Skënderbeu, korçarët bëjnë katër

Skënderbeu vazhdon me përforcimet në merkato. Pa shumë bujë në media, por korçarët nuk e kanë ndalur punën, për ndërtimin e një skuadre konkurruese për sezonin e ardhshëm.

Bardhekuqtë kanë nisur përgatitjet nga 1 korriku dhe nën urdhrat e trajnerit Gvozdenoviç janë vënë disa fytyra të reja.

Lojtarët në provë te Skënderbeu këtë periudhë kanë qenë të shumtë. Dy afrimet e para kanë qenë nga Kosova dhe bëhet fjalë për Oniks Grezdën dhe Erolind Krasniqin.

Janë të dy lojtarë të rinj në moshë, që klubi korçar në fakt i ka si pjesë të rëndësishme të strategjisë së tij për të ardhmen. Bëhet fjalë për një talent 17-vjeçar mjaft premtues dhe një sulmues të krahut të majtë që ka kaluar në kategoritë inferiore të futbollit gjerman.

Oniks Grezda është një nga talentet më premtues te Kosova, teksa është edhe pjesë e përfaqësueses dardane të 19-vjeçarëve. Mësohet se dy talentet kanë firmosur kontrata trevjeçare.

Përveç këtyre, Skënderbeu ka bërë edhe dy afrime të tjera të rëndësishme, nga jashtë. Bëhet fjalë për shtatlartin e Salzburg-ut, Vasquez, i cili luan si qendërmbrojtës, dhe sulmuesin Bismark Charls, që ka qenë pjesë e CSKA Sofie sezonin e kaluar. Të dy lojtarët kanë nënshkruar zyrtarisht për Skënderbeun dhe janë afrimet e radhës në kampin korçar. Vasquez është mbrojtës qendre. Futbollisti 21-vjeçar, 192 cm i gjatë, ka luajtur sezonin e kaluar te Kapfenberg në Kategorinë e Dytë austriake, ku ishte huazuar nga ekipi i njohur i Salzburg-ut, që ka pronësinë e kartonit të tij.

Charls është 23 vjeç dhe vjen si një lojtar i lirë në merkato, pasi ka mbyllur kontratën me bullgarët e CSKA Sofies. Bismark ka luajtur më herët edhe në Kosovë, në radhët e Vushtrrisë fillimisht dhe më pas te Trepça 89.





Lajmet e fundit nga