web counter
LEXO PA REKLAMA!

SHKARKO APP

App Store
Google Play

Juventusi "godet" në merkato, firmos portieri më i mirë i sezonit

7 Korrik 2024, 12:26, Sport CNA

Juventusi "godet" në merkato, firmos portieri më i mirë

Juventusi është një nga skuadrat italiane më aktive në këtë merkato vere. Pas trajnerit, skuadra bardhezi ka pësuar shumë ndryshime edhe në organikë.

Afrimi i radhës për “Zonjën e Vjetër”, është portieri Mikele di Gregorio, i cili vjen nga skuadra tjetër italiane, Monza.

Për shërbimet e 26-vjeçarit, Juventusi ka shpenzuar 18 milionë euro, plus 2 milionë euro të tjera në formë bonusesh.

Pasi kaloi vizitat mjekësore me sukses, portieri nënshkroi kontratën për 5 vitet e ardhshme, nga e cila do të përfitojë 2.3 milionë euro në sezon.

Di Gregorio u shpall portieri më i mirë i sezonit të kaluar në Serinë A dhe për ta bërë të vetin Juventusi mposhti konkurrencën e disa klubeve italiane dhe angleze, ndonëse vetë ai sqaroi pse e deshi me ngulm transferimin te “Zonja e Vjetër”.

“Sapo hyn në këtë klub ndihet menjëherë një ajër ndryshe, diçka speciale. Jam shumë i lumtur që jam pjesë e një klubi kaq të madh, por në të njëjtën kohë e kuptoj se tani e në vazhdim edhe përgjegjësitë do të jenë shumë herë të mëdha. Gjithsesi, unë nuk kam frikë, sepse kam bërë një rrugë shumë të vështirë, duke nisur nga Seria C për të mbërritur këtu dhe jam gati të tregoj se e meritoj besimin e klubit.

Pse zgjodha Juven? Sepse Juventus do të thotë ‘fitore’ dhe këtu kanë të gjithë një dëshirë të madhe për t’u rikthyer te titujt dhe unë jam gati që të jap ndihmën time”, u shpreh Di Gregorio.

Afrimi i portierit të Juventusi vjen pak ditë pas firmës me mesfushorin brazilian, Douglas Luiz.





Lajmet e fundit nga