web counter
LEXO PA REKLAMA!

SHKARKO APP

App Store
Google Play

UEFA me "dorë të hekurt", një tjetër lojtar pezullohet si Daku

5 Korrik 2024, 11:48, Sport CNA

UEFA me "dorë të hekurt", një tjetër lojtar

UEFA ka zbuluar vendimet e marra, në lidhje me ngjarjet e ndodhura në ndeshjet e 1/8-ave të Europianit.

Mbrojtësi i Turqisë, Merih Demiral, është pezulluar me dy ndeshje. Lojtari ishte heroi i skuadrës së Montelës, në sfidën ndaj Austrisë, aty ku shënoi dopietë golash, që në fund rezultuan vendimtarë.

Megjithatë festa pas golit të dytë, i ka kushtuar rëndë lojtarit turk. Demiral festoi golin duke bërë me duar shenjën e “ujqërve” që është një simbol i grupimit “Ujqërit Gri”, i cili në disa vende cilësohet si organizatë ekstremiste, meqë në ideologjinë e tij është kthimi i Turqisë së madhe.

UEFA e ka pezulluar me dy ndeshje, njëjtë siç u veprua edhe me sulmuesin e Shqipërisë, Mirlind Daku. E vetmja mundësi që Demiral të luajë në Europian, është që Turqia të kualifikohet për në finalen e madhe.

Në çerekfinale, Turqia do të përballet me kombëtaren e Holandës.

Dënimit për gjestin pas golit, nuk i ka shpëtuar as mesfushori i Anglisë, Jude Bellingham. Futbollisti anglez, u dënua vetëm me gjobë.

Bellingham, është i detyruar të paguajë një ndëshkim prej 10 mijë eurosh, për gjestin e turpshëm, pas golit të barazimit ndaj Sllovenisë.

Anglia në çerekfinalen e Europianit, përballet me skuadrën e Zvicrës.





Lajmet e fundit nga