web counter
LEXO PA REKLAMA!

SHKARKO APP

App Store
Google Play

Portugali-Francë, luhet për gjysmëfinalen. Spektakli i garantuar

5 Korrik 2024, 12:00, Sport CNA

Portugali-Francë, luhet për gjysmëfinalen. Spektakli i garantuar

Portugalia dhe Franca përballen mes tyre, në ndeshjen çerekfinale të Europianit. Një përballje që nuk duhet humbur, për shkak se të dyja kombëtaret shihen si favorite për trofeun.

Spektakli dhe lufta sportive janë të garantuara, mes dy ekipeve që njihen për lojën e hapur dhe sulmuese.

Përballjet mes dy skuadrave kanë qenë spektakolare në vitet e fundit, ku mjafton të kujtojmë finalen e Europianit të vitit 2016, ku luzitanët triumfuan dhe morën trofeun, pas fitores minimale, me golin e shënuar në shtesë.

Kombëtarja e “gjelave” është kritikuar së tepërmi në këtë edicion, për shkak të lojës së treguar. Nuk kanë treguar formë më të mirë edhe portugezët, që për të mbërritur deri këtu, mposhtën Slloveninë, pas penalltive.

Fakti që bie më shumë në sy është epërsia e Francës ndaj Portugalisë në çdo kompeticion. Nga 14 ndeshjet e fundit në të cilat janë përballur: Franca ka fituar 11 herë, ndërsa janë regjistruar dy barazime dhe vetëm një humbje. Megjithatë Portugalia triumfoi në ndeshjen më të rëndësishme për të fituar titullin e parë madhor të saj, atë në vitin 2016.

Ndeshja mes Portugalisë dhe Francën, është planifikuar të luhet mbrëmjen e kësaj të premte, në orën 21:00.





Lajmet e fundit nga