web counter
LEXO PA REKLAMA!

SHKARKO APP

App Store
Google Play

Sfida me Francën, Spanja shkon e përgjysmuar në gjysmëfinale

6 Korrik 2024, 11:25, Sport CNA

Sfida me Francën, Spanja shkon e përgjysmuar në gjysmëfinale

Spanja siguroi kualifikimin në gjysmëfinalen e Europianit, aty ku do të përballen me një kundërshtar të vështirë, siç është Franca.

Sikur të mos mjaftonte rivali përballë, në këtë takim, iberikët duhet të bëjnë edhe pa disa nga lojtarët më të rëndësishëm të skuadrës, kryesisht në repartin e mbrojtjes.

Spanja ka humbur dy titullarë për prapavijën. Mungesa e pare është Karvahal, I cili u ndëshkua me të verdhë fillimisht, duke plotësuar numërin e kartonëve. Megjithatë, në fund të ndeshjes, mbrojtësi i djathtë, u ndëshkua me karton të kuq, pasi ndali një aksion të rrezikshëm të gjermanëve.

Mungesë tjetër për prapavijën do të jetë edhe Le Noramand, që gjithashtu plotësoi numrin e kartonëve të verdhë.

Përveç kësaj, në dyshim për ndeshjen me Francën, është edhe Pedri. Mesfushori u dëmtua në minutat e para të sfidës, pas një kontakti me Kros.

Ylli i Barcelonës, u largua nga fusha pas vetëm 6 minutave lojë dhe gjasat janë të mëdha që të mos jetë i gatshëm edhe për gjysmëfinalen.

Gjithçka do të vendoset në ditët e ardhshme, kur lojtari të kryejë analiza më të detajuara, për të parë shkallën e dëmtimit.

Kështu, dhimbjet e kokës për trajnerin De La Fuente, janë të mëdha dhe duhet të gjejë zgjidhje alternativë, për të ndalur një kundërshtar si Franca.

Sfida gjysmëfinale mes Spanjës dhe Francës, është planifikuar të luhet ditën e martë në orën 21:00.





Lajmet e fundit nga