web counter
LEXO PA REKLAMA!

SHKARKO APP

E fundit!

x

Mblidhen 350 mijë firma, kërkohet përsëritja e ndeshjes Spanjë-Gjermani

8 Korrik 2024, 12:01, Sport CNA

Mblidhen 350 mijë firma, kërkohet përsëritja e ndeshjes

Polemikat për ndeshjen çerekfinale mes Spanjës dhe Gjermanisë duket se nuk do të përfundojnë kurrë.

Tifozët gjermanë ndihen të vjedhur nga arbitri Taylor, i cili sipas tyre u mohoi një penallti. Bëhet fjalë për rastin e minutës së 106-të, ku një gjuajtje e Musialës, u ndal me dorë nga mbrojtësi Kukureja.

Arbitri anglez e konsideroi gjithçka të rregullt dhe kërkoi vazhdimin e lojës. Madje ai nuk shkoi as në VAR, për ta riparë.

Në këtë situatë, gjermanët nuk e pranojnë dot eliminimin dhe kërkojnë të riluhet sfida me Spanjën. Në më pak se dy ditë, është firmosur një peticion, me plot 350 mijë firma, që ndeshja të përsëritet.

Duke parë historinë, është thuajse e pamundur që ndeshja të përsëritet, por reagimi i gjermanëve tregon edhe njëherë irritimin që kanë pas eliminimit.

Spanja triumfoi ndaj Gjermanisë me rezultatin 2-1, për t'u kualifikuar në gjysmëfinale, aty ku do të përballen me Francën.

Koha e rregullt u mbyll në barazim 1-1, ndërsa shtesat prodhuan gjithçka, nga pretendimi për penallti në minutën e 106-të, te goli i fitores nga Merino në minutën e 119-të.





Lajmet e fundit nga