web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria e vajzave mposhtet në miqësore nga Turqia

1 Dhjetor 2025, 17:28, Sport CNA

Shqipëria e vajzave mposhtet në miqësore nga Turqia

Shqipëria e vajzave zhvilloi sot ndeshjen e dytë miqësore ndaj Turqisë. Në takimin e luajtur në “Riva Milli Takim Tesisleri”, përfaqësuesja kuqezi u mund me rezultatin 2-0.

Në ndryshim nga ndeshja e parë, trajneri Grima bëri 8 ndryshime në formacion, duke i dhënë mundësinë thuajse të gjitha vajzave të grumbulluara të aktivizohen.

Skuadra zhvilloi një pjesë të parë shumë të mirë, pavarësisht disavantazhit. Në minutën e 9-të, Zarka provoi goditjen e parë drejt portës, duke tentuar të gjejë rrjetën, por topi përfundoi mbi traversë.

Vendaset kaluan të parat në avantazh në minutën e 16-të, falë golit të realizuar nga Busem Seker.

Redzepi ishte shumë pranë golit të barazimit në minutën e 39-të. Pas një goditjeje dënimi nga Vuksani, e cila dërgon topin drejt zonës dhe që fillimisht grushtohet nga portierja, Redzepi gjuan, por topi përfundon në këndore.

Pjesa e parë u mbyll me rezultatin 1-0 për Turqinë. Pjesa e dytë nisi më mirë për vajzat kuqezi, të cilat u afruan disa herë pranë zonës dhe krijuan raste, por pa arritur të finalizojnë. Vendaset shënuan golin e dytë në minutën e 83-të, duke vulosur rezultatin 2-0, ndërkohë që në minutat e fundit Turqia shënoi një tjetër gol, që u anulua për shkak të një faulli.

Kjo ishte ndeshja e dytë miqësore mes dy skuadrave, pas barazimit 1-1 në sfidën e parë. Dy takime që i shërbyen stafit kuqezi për të testuar elementet e reja, për të parë gjendjen e skuadrës dhe për të përmirësuar aspektet taktike në kuadër të kualifikueseve të ardhshme.





Lajmet e fundit nga